– Blloku Kinë, Rusi, Indi që forcoi radhët në takimin e Tianjin synon një rend të ri botëror, në një kohë që Perëndimi është i përçarë me distancimin e SHBA nga Europa? Kreu i shtetit kinez, Jinping dhe Putin kanë kërkuar prej kohësh një “rend botëror multipolar”, që nënkupton jo më pa dominim amerikan. Deklaratat e krerëve botërorë në takimin e Organizatës së Shangait për Bashkëpunimin të lenë të kuptosh se takimi është një sinjal drejt perëndimit. “Modeli eurocentrist dhe euroatlantik është i tejkaluar”, tha Putin në Tianjin. Kurse presidenti kinez, Jinping tha në darkën e shtruar në qytetin verior kinez, se bota përjeton ndryshime, që nuk i ka parë prej një shekulli, me mungesë të madhe stabiliteti dhe pasigurie.
Kina synon të paraqitet si alternativë e perëndimit dhe synon më shumë influencë me “Rrugën e Re të Mëndafshit”. Në takimin në Shangai, presidenti kinez u bëri thirrje shteteve anëtare të takimit të Shangait të qëndrojnë të bashkuar. Jinping dëshiron të përshpejtojë krijimin e një banke të përbashkët zhvillimi. Lidershipi kinez ka kohë që përpiqet të krijojë struktura alternative kundrejt institucioneve të udhëhequra nga SHBA-ja. Organizata e Shangait për Bashkëpunim shihet si organizatë e bashkëpunimit strategjik nën lidershipin e Kinës, me pjesëmarrjen e Rusisë, Indisë, me 10 vende anëtare, që përbëjnë 405 të popullsisë botërore.
Duke analizuar takimin e Shangait, ekspert gjerman, Ebehard Sandschneider tha për radion gjermane, DLF, se Europa duhet të bëjë më shumë politikë realiste të orientuar nga interesat e saj. Duhet të pranojmë tha ai “se në rastin e Kinës, por edhe në rastin e Rusisë, asgjë nuk rritet më shpejt se sa vetëbesimi i tyre dhe mënyra e paraqitjes. Donald Trump i shtroi Putinit qilimin e kuq në Alaska. Ksi Jinpig e bëri në Pekin. Presidenti rus […]është i kërkuar nga Gjykata Ndërkombëtare e Drejtësisë si kriminel lufte, po ai vepron si në kohët e dikurshme. Në shkallë ndërkombëtare është një partner bisedimesh i kërkuar. E pranojmë ose jo ne nuk luan rol. Kjo është politika e re e pushtetit në shekullin e 21.”
Nga DW Shqip
