Lideri i opozitës, Sali Berisha ka publikuar të tjera fakte tronditëse që faktojnë farsën elektorale të 11 majit dhe që lidhen me kandidaten e PS në Elbasan, Sara Milen.
Berisha, pasi publikoi procesverbalin e votimeve në Burgun e Elbasanit, ku nga 102 vota për PS, 92 ishin për Sara Milen, tha se, famozja Sara Mile është njeriu më i adhuruar në burgun e Elbasani.
“Tani tek farsa elektorale.
E patë ju, ishte pajisur me dy fletë votimi.
Votues me dy fletë votimi.
Revolja… e patë besoj, edhe njëherë pozën e fundit.
Ja!
Pra, një bandit që futet me gisht në revole.
Këtu tani keni një gjë tepër të veçantë.
Është qendra e votimit të burgut të Elbasanit, në të cilën Sara Mile, famozja Sara Mile, është njeriu më i adhuruar në burgun e Elbasanit.
A mund të imagjinoni ju, nga 102 vota të vlefshme, e adhuruara pafundësisht Sara Mile, merr 92 vota.
Sepse burgun e kontrollon totalisht ata që kontrollojnë Ulsiun dhe Ulsiun e kontrollojnë vetëm bandat.
Shikojeni, princesha e burgut, Sara Mile, çfarë t’i themi.
Po Osman, nuk ke çfarë t’i thuash, kurse Ulsiu i ngarkoi Shullazit 313-ën dhe Shullazi nën terror ka detyruar, Mili i Partisë, të burgosurit të votojnë për kandidatin e partisë.
Ja pra, këto ishin zgjedhjet, farsa.
Urdhëroni, princesha e burgut!
Siç e shihni, në çdo aspekt, farsa nga alfa tek omega, procesi ishte farsë, farsë dhe vetëm farsë”, tha Berisha.
