Kryeministri Rama në Vlorë: Do financimojmë në këtë qytet ngritjen e Akademisë së Aviacionit që do jetë rajonale

Kryeministri Edi Rama u shpreh sot gjatë një takimi elektoral se pritet që të firmoset një marrëveshje mirëkuptimi me një nga kompanitë më të mëdha të botës në fushën e industrisë ushtarake.
Rama ritheksoi edhe një herë se kjo marrëveshje do të jetë për hapjen e Akademisë së Aviacionit në Vlorë, e cila është menduar të jetë rajonale.
“Besoj shumë që ne kemi shumë mundësi në Vlorë. Do firmosim marrëveshje mirëkuptimi me një nga kompanitë më të mëdha të botës për industrinë ushtarake, sepse kemi përcaktuar edhe financimin nga ana jonë.
Do hapim në Vlorë akademinë e aviacionit dhe synimi është që të jetë akademi rajonale, jo vetëm shqiptare, por të kemi dhe studentë të huaj, për të përgatitur pilotë”, tha Rama.