Në rrjetet sociale po qarkullon një foto ku duket prokurori i SPAK, Arben Kraja, duke darkuar me kryetarin e Bashkisë së Shkodrës, Benet Beci në Tiranë.
Për këdo do të ishte normale qenia së bashku në kafe apo drekë, por rasti i të dyve kapërcen çdo etikë zyrtare mbasi Beci është nën hetim nga institucioni që vetë Kraja drejtonte deri pak kohë më parë.
Ky takimi mes dy personazheve shkel etikën dhe paanshmërinë e hetimeve, duke cënuar besimin te institucionet.
Mediat shkruajnë se nuk dihet nëse takimi ishte thjesht një rastësi apo kishte një qëllim të caktuar.
Kujtojmë se Benet Beci është zyrtarisht nën hetim nga Prokuroria e Posaçme kundër Korrupsionit dhe Krimit të Organizuar për dyshime mbi shkelje të kryera gjatë detyrave të tij të mëparshme, veçanërisht gjatë kohës kur ai shërbente si drejtor i Fondit Shqiptar të Zhvillimit.
Theksojmë se ish-zv.kryeministri, Arben Ahmetaj ka deklaruar se një urdhër-arresti për Benet Becin është grisur nga SPAK.
