Në mbledhjen e sotme të Këshillit Kombëtar, Kryetari i PD-së, Sali Berisha tha se ky është momenti që të kalojmë nga momenti i qëndresës në forcën politike të fitores.
Lideri demokrat përsëriti shprehjen se, ne jemi shpresa e vetme dhe natyrisht nuk ishin ne shkaku i kësaj, por vendosëm të bëjmë gjithçka për të mbetur si shpresa e pashuar e shqiptarëve
Një përmbledhje e mesazheve të Berishës:
“Ne ia dolëm të gjejmë një mbështetje botërore në spektrin e djathtë. Janë 3 dokumentet më madhore të 3 organizatave më të fuqishme të qendrës së djathtë ku jepet realiteti në Shqipëri”
“Kundërshtari ynë kishte arritur të paraqiste në Botë një Shqipëri që nuk ekzistonte”
“Këto rezoluta janë arritje madhore, kemi bërë një betejë të madhe për votën e lirë dhe sot e kemi sanksionuar në të gjithë spektrin e djathtë se zgjedhjet në Shqipëri janë farsë”
“Me rikthimin e PD në pushtet, vëmendja kryesore do të jetë te qytetari, te rritja ekonomike”
“Zgjedhje të përsosura në aparencë bëjnë diktaturat”
“Edi Rama nuk bën zgjedhje, Edi Rama bën farsë elektorale”
“Kjo qeveri po shfaros Shqipërinë. Janë mbi 700 mijë të rinjë e 1 milion shqiptarë që kanë ikur nga vendi”
“Edi Rama do arratiset në Beograd”
“Pronat e vëna me djersën e shqiptarëve dhe paratë e krimit do të sekuestrohen”
“Protesta e 23 dhjetorit do të jetë dëshmia më e fuqishme e mosbindjes civile”
