Beeisha homazhe për Arben Tafajn: Mirënjohje të thellë për një qytetar dhe qeveritar shembullor të Tiranës

Kryetari i PD, Sali Berisha ka kryer homazhe në nderim të politikanit dhe Kryetar i Shoqatës “Tirana”, Arben Tafaj, i cili humbi jetën ditën e djeshme.
“Erdha të shpreh mirënjohjen më të thellë për Arben Tafajn, një qytetar shembullor i Tiranës, një prind, bashkëshort shembullor.
Një qeveritar vendor i ndershëm, i aftë, kompetent.
Një parlamentar i kryeqytetit, i aftë, i ndershëm dhe një përfaqësues dinjitoz i qytetarisë së Tiranës.
Një njeri që i kushtoi jetën e vet, veprimtarinë e tij, mbrojtjes së vlerave të kësaj qytetarie dhe ishte pa diskutim një nga përfaqësuesit më dinjitoz të saj.
I shpreh edhe njëherë ngushëllimet e mia familjes së nderuar Tafaj.
Shpreh ngushëllime për të gjithë qytetarët e Tiranës që kanë humbur një përfaqësues të shquar, për të gjithë miqtë, të afërmit e tij”, tha Berisha për gazetarët.