Nga Basir Çollaku –Shoqatë çKushtetuese, poshtë Gjykata, rroftë Gjykata..!

Gjykata Kushtetuese rahmet pastë, kapërceu ylberin ligjor dhe e shpalli veten Kuvend. Ashtu e tredhur profesionalisht, nga shpërblyesit e karrikeve ku kanë vënë fundshpinën e privilegjeve ndryshuan Kushtetutën me përralla interpretuese leksikore. Liri konsiderohet ajo çfarë përkufizojnë interesat e qeverisë. Ajo çfarë shkruajnë burokratët e Aleksit nëpër Ambasada. Ajo çfarë Edi Rama u çon haber. Shkërmoqje.
A janë profesionistë të denjësisë së kërkuar krahasuese me botën, të një gjykate të këtij rangu gjyqtarët e Gjykatës Kushtetuese. ?? Ku janë thinjat e zanatit?! ATA mendjet e pandikuara të cilët nuk njohin përdorje?! Në atë sofër jo nuk gjenden.
Më shumë se gjysma nuk kanë prekur mantel të zi apo çekiç salle e seance me dorë, para se tu ndrinte bingoja e social-soroistëve. Nga 9 anëtarë sipas të dhënave në faqen zyrtare të Gjykatës dy vetëm kanë.qenë gjyqtarë. Sa për nishan. Por kështu duhen për të mos bërë atë që duhet bërë.
Kur Kushtetuta thotë lirinë në të gjitha format, format e lirisë, fjalën detyrim për tu paraqitur e quajnë dëshirë këta pelivanër?! Detyrimi nuk është cënim??! Natyrisht janë nja dy anëtarë ende me dinjitet në atë godinë fatkeqe të kthyer në stallë për nga përmbajtja. Por të pamjaftueshëm për ta shënuar si të dinjitetshme. Shumica të pavetuar janë borxhlinj të shoqatës “Soros”. Asaj shoqate sakatuese të reformës e pushtuese me njerëzit e saj të cilët i kap për veglash sa herë të dojë. Vendosin ata. Gjithnjë kanë vendosur çfarë ka dashur Rama. Njëlloj nga rasti i Teatrit Kombëtar, ligjin “Fusha”, qendrat e emigrantëve në Lezhë, marrëveshjen e detit me Grqinë, hapjen e listave zgjedhore, mosnjohjen e një të pestës së deputetëve, mandatin e Xhaçkës. E qershia e marrëzisë kërkesa e liderit të opozitës Sali Berisha. Ka mjaft anëtarë me sekëlldi ligjore në arkivin e jetëshkrimit. Kanë histori të cilat mund t’i bëjnë ish-gjyqtarë. Shumica janë thjeshtë zarfa ambasadash. Në atë ambasada ku dorëzuan 140 vota deputetët diplomatëve të leksit. Këtu ka mëkate opozitare jo të pakta. Ka të tjerë gjykatës të ngecur nëpër video historish rozë, e përmbysur në sevdatë trupore. Të tjerë kanë raporte nga DSIK dhe partnerët nga mysybet, deri në ku thërret qamet. Por ky mysybetllek-qameti, i bën të bindur. Kuvendi bëhet gjykatë nuk zbaton vendimet e Kushtetueses dhe kjo e fundit merr atribute të legjislativit, duke shkruar norma juridike shtesë në Kushtetutë. Ky vendim është rrezikshmëri e lartë shoqërore sepse është vënë precedenti se kur qeveria do të asgjësojë kundërshtarin politik dalin kushatarët e gjykatës nëpër zyra. Harruan se kanë edhe sky-enchro si vendim.
Përse nuk vendosin?!
Nuk ka rënë dakort Ambasada e Madhe me Ramën?
Nuk hanë mbledhur kuotat mbi 100 milionë euro nga bandat për lobim?!
Janë vetë nëpër përgjime?!
Janë shefat e emërimeve të tyre në tekste bisedash
Janë ministrat ku ata drek-darkosen?! !
Supermarketi më i shtrenjtë ligjor në Shqipëri, Kushtetuesja, është bërë një synetllek juridik me përmasa më të mëdha se xherahët e rrethprerjes. Mercenarët supremë të Gjykatës, nuk janë asgjë, veçse noterë me zyra në qeveri dhe ambasada. Sigurisht me doza shfrenuese soroizmi. Politizimi ekstrem i Gjykatës është masakër.. Përdorja e saj për të ndikuar në zgjedhjet e 2025 me vendime, është diktaturë. Legenosja e Kushtetutës nga të emëruarit për ta ruajtur atë është maskarallek, precedent me rrezik të lartë shoqëror. Më mirë të mbaronin punë me drejtorinë juridike të qeverisë. U harxhuam kot. Do.të kursenim edhe një.dorë financime..
Mos qeshni
Ne kemi ardhur aty në zgrip. Ku pëshpëritet:
Rroftë Gjykata
Poshtë Gjykata..