Klajdi Prendi që mbeti viktimë e një atentati mafioz është djali i ish-gjyqtarit Fran Prendi.
Ngjarja e rëndë ka ndodhur rreth orës 01:40, ndërsa viktimë e atentatit ka mbetur Klajdi Prendi i cili sapo doli nga lokali është qëlluar me 5 plumba në rrugën “Xhanfize Keko” në Tiranë.
Po kush është Fran Prendi?
Fran Prendi ka ushtruar detyrën e gjyqtarit në ish-Gjykatën për Krimet e Rënda prej vitit 2006, detyre që e vijoi për një vit edhe në Gjykatën e Posaçme. Në nëntor 2020 ai u largua nga sistemi i drejtësisë me dorëheqje, pa kaluar në filtrat e vetingut.
Firmën e tij si kryesues e mbajnë dhjetëra vendime gjyqësore, mes të cilave ai ndaj Emiliano Shullazit dhe grupit të tij në vitin 2018, si edhe ndaj Salvatore Lettizias, një anëtar i Camorras italiane, për masakrën me tre viktima në bulevardin “Zogu I” në vitin 2015.
