Ka përfunduar mbledhja e Kryesisë së re të Partisë Socialiste, e cila u mbajt në selinë rozë.
Kryeministri dhe njëkohësisht Kryetar i PS, Edi Rama e mblodhi kryesinë vetëm një ditë pasi anëtarët u votëbesuan në Asamble e Përgjithshme.
Mbledhja e forumit të lartë socialist nisi që prej orës 18:30 dhe mbaroi pak minuta më parë.
Mediat bëjnë me dije se në fokus të diskutimeve kanë qenë zgjedhjet parlamentare të vitit 2025, ku është folur për planin dhe strategjinë.
Mësohet gjithashtu se Rama ka kërkuar nga anëtarët e Kryesisë që të “zbresin në bazë” dhe të forconin lidhjet me strukturat lokale dhe elektoratin.
