Mediat vendase shkruajnë se një aksident i rëndë ka ndodhur mëngjesin e sotëm në Chania të Kretës.
Përplasja e një makine me një furgon turistik ka shkaktuar vdekjen e tre të rinjve, ndërsa një vajzë është shtruar me plagë të rënda në spital.
Dinamika e aksidentit: një minibus turistik është përplasur me një makinë pasagjerësh, në rrethana të paqarta deri më tani. Si pasojë e përplasjes kanë humbur jetën tre personat që ndodheshin në mjetin e dytë, të moshave 18 deri në 23 vjeç. Vajza që udhëtonte me ta ndodhet në gjendje kritike, e intubuar në ICU të spitalit të Chanias, pasi ka pësuar dëmtime të rënda në tru. Personat e autobusit, mes të cilëve edhe një familje me fëmijë të vegjël, nuk kanë pësuar lëndime të rënda, por janë dërguar në spitalin e Chanias për arsye parandalimi.
Shkaqet e sakta të aksidentit janë duke u hetuar nga Policia Rrugore.
