Një ngjarje e rëndë ka ndodhur në qytetin kroat Daruvar, ku një person u fut në një shtëpi të moshuarish dhe vrau 6 persona dhe plagosi 6 të tjerë, shkruajnë mediat vendase
Ndërsa bëhet me dije se pesë të moshuarit vdiqën menjëherë, ndërsa një person tjetër humbi jetën në spital.
Policia tha se u informua pas orës 10 të mëngjesit të së hënës se një burrë duke përdorur armë zjarri vrau dhe plagosi disa persona në shtëpinë e të moshuarve.
I dyshuari u largua nga vendi i ngjarjes, por policia arriti ta kapi në një kafene në qendër të qytetit.
Shumica e të plagosurve u sollën me lëndime të rënda, sipas kreut të spitalit në Pakrac aty pranë. Katër nga të plagosurit kishin trauma në kokë dhe plagë me armë zjarri në gjoks, tha kirurgu i spitalit, Branko Sudar.
Azili i të moshuarve strehonte rreth 20 njerëz, sipas kryetarit të bashkisë Daruvar, Damir Lneniček.
