Sikur të mos mjaftonin dëmet e mëdha që i janë bërë arsimit deri më tani, nga kjo qeveri, kishim mangët edhe ndryshimet e fundit:
1. Mësues mjeshtër bëhesh me 15 vite pune. Pra 36- 37 vjeç, do të jesh mësues veteran (nuk e di se çfarë titulli do të ketë mësuesi pas 40 vite e kuser pune).
2. Do të shtohen rolet e mësuesit koordinator të cilësisë dhe mësues i këshillimit të karrierës. Për rolin e këtij të fundit, nuk e di se çfarë kriteresh do të përdoren, pasi sjell në vëmendje të MAS, se në vende të tilla si: Itali, Estoni, Belgjikë etj, për këtë rol, personit që i ngarkohet ka mbaruar shkollë të veçantë (se apki Bachelor) për këshillimin e karrierës.
Në rastin e mësuesit koordinator të cilêsise, kam frikë se do të jetë një hallkë me shumê presioni ndaj mësuesve, sesa mund të ketë ndonjë ndikim pozitiv, mbi cilësinë e arsimit (mbase edhe mund të jetë një lloj patronazhisti për mësuesit).
Mesa duket nuk na mjafton Agjencia e Cilësisë se Arsimit Parauniversitar, as Agjencia Kombëtare e Arsimit Parauniversitar, por na duhet edhe një vëzhgues cilësie për çdo shkollë!??
Nuk e kuptoj xhanëm, pse luajnë kaq shumë me mësuesit dhe profesionin e tyre të nderuar?
Le të gjejnë rrënjët e problemit aty ku janë në të vërtetë:
Kurrikulat, programet dhe planet mësimore, kushtet e punës së mësuesit, shkëputjen e shkollës nga politikat, pajisja e shkollës me laborator, mjete didaktike, qasje në internet, trajnim falas nga shteti etj.
Por mbi të gjitha e theksoj: Mësues dinjitoz në pagesë, shtesë page dhe dieta ushqimore për ata që shkojnë larg, uljen e normës javore të punës, zvogëlimin e e numrit të nxënësve në të gjitha ciklet e Arsimit Parauniversitar dhe pa asnjë dyshim, të ndalet torturs e përvitshme e vlerësimit të dosjeve dhe presioni politik.
Nëse vërtet dikush në MAS, do arsim cilësor ta nisi me këto të fundit jo me eksperimente në kurriz të mësuesve.
