Një çudi e freskët “made in Rama- parti- qeveri 2024”!
Miku ik publicist Albert Abdyli futi më 13 korrik 2024 në faqen e tij të facebookut këtë tekst apo këtë çudi shqiptare “made in Rama- parti- rilindje, 2024”! Po e citoj të plotë për t’ia respektuar autorësinë!
“Më të çuditshmen e kam dëgjuar sot: Drejtori i Albpetrolit (Kompania e vetme shtetërore e naftës) është një mjek gjinekolog.
Si i tillë, ka marrë në administratën e lartë të kompanisë edhe nja dy shokë të tjerë Doktorë.
Pra, rrëzohet propaganda dashakeqe, se mjekët shqiptarë po ikin nga Shqipëria…”
Xhevat Mustafa: E “çka këtu për t’u çuditur”, o Berti?! Për deri sa kemi kryeministrin piktor e ish basketbollist, që shkon edhe në veprimtari jubilare politike e diplomatike ndërkombëtare veshur me “brekushet e Haxhi Qamilit” dhe me këpucë atlete të bardha, si delja e bardhë mes të zezave, mund të ndodhin edhe këto çudira allashqiptare, kur doktorët të zëvendësojnë inxhinierët e naftës, ngjashëm sikur gorrica e egër “të shitet” për dardha Korçe e Dibre…!?
Pastaj edhe mjekët gjineokologë i kanë bërë mirë e me vizion largpamës llogaritë, sipas shembullit të SHEFAVE në Tiranë! Nga një emër e firmë në borderonë e Albetrolit fitohet shumëfish më tepër se nga 50.000- 100.000 lekë për 1 lindje në maternitet!!! Për më tepër e më keq, me një angazhim dhe punë në shumë orë e me siklete të tjera për duart, sytë, bluzat e bardha…! Me një dozë hunori, mund të mendohet edhe se, pasi kanë zhbiruar me vite nëpër thellësitë e barqeve femërore do të zhbirojnë edhe nëpër thellësitë nëntokësore…Kurse në Albpetrol milionat burojnë pareshtur e nuk numërohen dot, si bretkocat, krimbat, shushunjat…, në gjol…!!! Për më tepër, bëhesh shumë më shpejt pronar i madh milionash, apartamentesh, vilash, pallatesh, kullash, biznesesh, kompleksesh turistike…! E ç’ti duan Zvicër e SHBA, Katar e Dubai…, këta partiakët, pushtetarët dhe zyrtarët rilindaso- edramistë??? Nën hundën e kryeministrit, mbrojtur me maskën e çjerre dhe me rrezikshmëri kombëtare, “pergjegjesia është personale”, mund të bëjnë ç’tu teket dhe dojë qejfi dhe xhepi!
