Lexova diku bashkëngjitur me një video; “turistët pushtojnë Dibrën”. Që në fillim të “pushtimit” më ngjalli neveri, sepse përtej zhurmës dhe tallavasë komuniste-socialiste, nuk e heqin dot këtë fjalën “pushtim” për vet faktin se Dibrën për shekuj me radhë e kanë pushtuar armiq të huaj dhe vendas, (madje pushtuesit vendas kanë qënë edhe më tç ndyrë sesa pushtuesit e huaj, duke e nënkëmbur, duke e shtypur, duke e vjedhur, duke e shitur dhe duke e blerë!
Le të jemi realist kur flasim, sepse siç e kam cituar; për të shkuar te e vërteta duhet thënë siç është.
Opa, turistët nuk i pushtojnë rrugët e pashtruara, as rrugët pa sinjalistika, madje as bulevardin shpiftësirë, madje nuk pushtojnë as Rrugën e Arbërit, (rahmet past) dhe e dini pse them rahmet past? Sepse historia e asaj rruge është si një bebe që pritet me kaq entuziazëm dhe pastaj një gabim i doktorit, fëmija mbyll sytë përgjithmonë, domethënë vdes. Fiks si kjo rrugë, edhe pse dhjetra herë e kanë festuar me këngë e valle.
Mu duk se dola pak deri në rrugë, por po kthehem në odën e burrave, aty po ulem këmbkryq, se të thuash që turistët pushtojnë dibrën është shumë e pavend, ofenduese, mjeruese dhe padyshim edhe mikluese për aryen që e citova më sipër.
Ju mund ti vini çfarëdolloj titulli, por jo “pushtim”, e nëse e keni me kaq zell dhe me kaq dëshirë mund të thoni që;
-Dibrën e pushtuan të paudhët.
-Dibrën e pushtuan të paaftët.
-Dibrën e pushtuan qentë e rrugave.
-Dibrën e pushtuan zagarët.
-Dibrën e pushtuan të palexuarit.
E shumë e shumë të tjera, kështu do të ishte më e ndershme edhe në aspektin politik, por mbi të gjitha edhe në atë njerëzorë!
-Turistët janë shpresa e vetme e asaj zone, sepse po të ishte për pushtetin do ishin larguar nga Dibra edhe ajo 10% e popullsisë, ndaj ata vijnë, gëzohen dhe kënaqën, e normalisht zemrohen kur nuk gjejnë një kosh mbeturinash, kur nuk gjejnë një gropë të mbyllur në mes të rrugës, kur nuk gjejnë një kapak pusete që i është hequr, por i gëzojnë lokalet, restorantet, bujtinat që punojnë fort, dhe me çmime turpëruese, ndaj ata nuk e pushtojnë dibrën, ata i japin jetë dhe të ardhura, kurse pushtuesit janë në zyra me kondicionerë, edhe pse me fytyra të zeza, më të zeza sesa “punët” mjeruese që i keni “dhuruar” Dibrës!
