Më 13 Qershor 1878, 146 vjet më parë u mbajt Kongresi famkeq i Berlinit.
Ky Kongres kishte si rend dite rishikimin e Traktatit të Shën-Stefanit.
Vendimet e Kongresit të Berlinit cenuan rëndë tërësinë teritoriale shqiptare duke mos i njohur edhe asnjë të drejtë kombëtare Shqipërisë pavarsisht kërkesave të delegacionit të Lidhjes Shqiptare të Prizerenit dhe dhjetra pedicione nisur atij.
Ashtu si Traktati i Shën-Stefanit, ky kongres e trajtoi Shqipërinë si një plaçkë tregu për të përmbushur synimet e Fuqive të Mëdha dhe për të kënaqur lakmitë e shteteve ballkanike, të cilat, përveçse Shqipërisë, ishin ftuar në këtë Kongres.
Ky copëtim i padrejtë i tokave Shqiptare do të vazhdonte në Konferencën e Londrës me Kosovën dhe Çamërinë e deri në vendosjen e kufijve zyrtar shtetëror, londinez të sotëm, të një gjysëm Shqipërie nga Konferena e Parisit.
Kjo lloj padrejtësie bërë ndaj nesh, ajo e plaçkitjes së shumicls së trojeve etnike prej Fuqive të Mëdha të kohës, në inters të shteteve ballkanike fqinje me ne dhe për llogari të interesava të tyre, Fuqive të Mëdha, mbetet ndër rastet më unike në botë.
Europa, dje e padrejtë, sot duhet të shikoj çdo problem dhe çeshtje në Ballkan me më objektivitet për të korrigjuar gabimet e saj shekullore mbi ne, pavarsia e Kosovës shenjë e mirë, hapat e mëtejshëm mbeten për t’u parë.
Politika dhe diplomacua kombëtare shqiptare duhet të jetë më e bashkuar, më këmbëngulse dhe më e drejtpërdrejtë me çdo faktor fqinjë dhe tjetër ndërkombëtar në lidhje me padrejtësitë e bëra mbi ne ndër shekuj.
Shqipëria nuk mund të vazhdojmë të jetë plaçkë tregu për të rregulluar gjeopolitizmat e shteteve të tjera, kushdo qofshin ato, në kurriz të interesit tonë kombëtar.????????
