Janë publikuar pamjet e aksidentit të frikshëm në hyrje të tunelit të Murrizit.
Policia bën me dije se është arrestuar shoferi 55-vjeçar pasi nga ky aksident mbetën të plagosur 4 pasagjerë.
“Dha deklarim të rremë për aksidentin rrugor që shkaktoi mesditën e djeshme, në bypass-in e Rrugës së Arbrit, vihet në pranga 55-vjeçari. Specialistët e Seksionit të Policisë Rrugore arrestuan shtetasin A. L., 55 vjeç, banues në Tiranë, për veprat penale “Shkelja e rregullave të qarkullimit rrugor” dhe “Deklaratat e rreme përpara oficerit të policisë gjyqësore”.
Kujtojmë se, ngjarja e rëndë ndodhi pasditen e djeshme në Bypass-in e rrugës së Arbrit.
Furgoni i linjës Peshkopi-Tiranë ka dalë nga rruga dhe për pasojë janë plagosur 5 persona.
Një nga të plagosurit u dërgua drejt Spitalit të Traumës, ndërsa 4 të plagosurit e tjerë morën ndihmë ne Spitalin e Klosit.
Dyshohet se shkak i aksidentit u bë humbja e kontrollit të furgonit që drejtonte 55-vjeçari (automjet për transport ndërqytetas të qytetarëve)i cili ka dalë nga rruga dhe si pasojë janë dëmtuar pasagjerët në këtë automjet.
Gjithashtu, gjatë kryerjes së veprimeve hetimore dhe procedurale për aksidentin, shtetasi A. L. ka dhënë deklarim të rremë, se një automjet tjetër i kishte ndërprerë rrugën dhe ishte bërë shkak për këtë aksident”, njofton policia.
