Pas aksidentit që ndodhi ditën e sotme në një nga minierat e Bulqizës, humbi jetën minatori 29-vjeçar Armand Peshku dhe u plagos punëtori tjetër Hajdar Bala.
Ky i fundit është transportuar me helikopter për në spitalin e Traumës në Tiranë.
Dy minatorët ishin vagonistë dhe kanë qenë në frontin e punës në një nga galeritë.
Kolegët e tyre sqaruan se një masiv gurësh është shembur dhe i ka zënë poshtë të dy punëtorët.
Ndërhyrja e punëtorëve të tjerë për t’i nxjerrë dy kolegët ka qenë pa fat për 29-vjeçarin Peshku, mbasi ai s’ka mundur tu rezistojë plagëve të marra, kurse Bala është plagosur rëndë dhe po trajtohet në Spitalin Universitar të Traumës në Tiranë.
Mediat njoftojnë se Policia vendire ka shoqëruar disa persona të zinxhirit drejtues të kësaj miniere, por pritet deklarata zyrtare për personat përgjegjës të sigurisë në Kantier.
