Rrjeti me ndikim i lidhur me miliarderin Charles Koch do i hedhë paratë dhe ndikimin e tij për ish-guvernatoren e Karolinës së Jugut Nikki Haley në zgjedhjet presidenciale republikane, njoftoi grupi të martën.
Vendimi mund të riformësojë në mënyrë dramatike fushën republikane, afërsisht shtatë javë përpara primareve të Iowa-s, teksa grupi ‘Amerikanët për Veprimin e Prosperitetit’ shpërndan burimet e tij të mëdha dhe ushtrinë e përhershme të aktivistëve konservatorë në mbështetje të Haley-t.
Miratimi shënon shenjën e fundit që dhuruesit e fuqishëm republikanë po bashkohen për të mbëështetur kandidaturën e ish-ambasadores së SHBA-së në Kombet e Bashkuara. Ajo ka parë figura të shquara t’i bashkohen fushatës së saj javët e fundit, veçanërisht pasi senatori i Karolinës së Jugut Tim Scott doli nga gara.
Në fillim të këtij viti, AFP Action – një krah politik i rrjetit të Koch – u zotua të mbështesë një kandidat të vetëm në zgjedhjet presidenciale në primaret republikane për herë të parë në historinë e tij. Dhe e bëri të qartë se do linte mënjanë ish-presidentin Donald Trump në kërkimin e tij për të gjetur atë që Emily Seidel, një zyrtare e lartë e AFP-së, e quajti një presidente “e cila përfaqëson një kapitull të ri”.
“Kur shpallëm vendimin tonë për t’u përfshirë në zgjedhjet tona të para presidenciale republikane, e bëmë të qartë se do kërkonim një kandidat që mund të kthejë faqen në mosfunksionimin tonë politik dhe të fitojë. Është e qartë se kandidatja është Nikki Haley,” tha Siedel të martën.
“Ne nuk mund të vijojmë të kërkojmë nga politikanët e së kaluarës për të rregulluar problemet e sotme. Nikki Haley përfaqëson një brez të ri drejtuesish dhe ofron një vizion të guximshëm dhe pozitiv për të ardhmen tonë. AFP Action është krenare që po e mbështet atë dhe ne do bëjmë gjithçka që mundemi për ta ndihmuar që ajo të bëhet Presidentja e ardhshme e Shteteve të Bashkuara.”
Përpjekja do fillojë me një fushatë reklamash shumëmilionëshe në mbështetje të Haley-t që do nisë këtë javë në të gjitha shtetet e hershme dhe në disa shtete të ‘Super së Martës’, ndërkohë grupi shfaqi aftësitë e tij të të dhënave – duke përfshirë një bazë të dhënash kontakti me miliona votues dhe shtrirjen e tij të gjerë në bazë.
Seidel nuk zbuloi një buxhet të caktuar që do përdorej për Haley-n, por rrjeti ka shpenzuar qindra miliona dollarë në ciklet e mëparshme zgjedhore, duke rivalizuar fuqinë financiare të Komitetit Kombëtar Republikan.
“Anëtarët e Aksionit AFP e dinë se ka shumë në rrezik në këto zgjedhje e nuk mund të qëndrohet mënjanë. Kjo është një zgjedhje midis lirisë dhe socializmit, lirisë individuale dhe qeverisë së madhe, përgjegjësisë fiskale dhe borxhit në rritje. Ne kemi një vend për të shpëtuar dhe unë jam mirënjohës që kemi AFP Action në krah”, tha Haley në një deklaratë për CNN.
Ish-presidenti është kandidati kryesor i parë i zgjedhjeve republikane si në zgjedhjet kombëtare ashtu edhe në ato të hershme shtetërore, me Haley-n dhe guvernatorin e Floridës, Ron DeSantis, secili që synon të dalë si alternativa kryesore e Trump.
“Ne kemi besim se do kemi burimet që na nevojiten,” tha Seidel kur u pyet për shumën e dollarëve që rrjeti po shpenzonte në emër të Haley-t.
“Ajo që ne sjellim në tryezë janë vite investimi.”
Ajo vuri në dukje se vetëm në zgjedhjet afatmesme të vitit 2022, grupet Koch trokitën në më shumë se 7 milionë dyer amerikanësh dhe dërguan më shumë se 100 milionë reklama e pastime.
Fushata e DeSantis e quajti miratimin e Haley-t një kontribut “në natyrë” ndaj fushatës së Trump, duke e përshkruar ish-guvernatoren e Karolinës së Jugut si një “të moderuar” pa rrugëdalje drejt fitores.
“Çdo dollar i shpenzuar për kandidaturën e Nikki Haley-t duhet të raportohet si ndihmë në natyrë për fushatën e Trump-it”, tha në një deklaratë zëdhënësi i DeSantis, Andrew Romeo.
“Askush nuk ka një rekord më të fortë për të mposhtur establishmentin se Ron DeSantis, dhe këtë herë nuk do të jetë ndryshe.”
Rrjeti tashmë ka shpenzuar miliona dollarë për reklama në shtetet e votimit të parakohshëm këtë vit për të bërë që Trump të humbasë zgjedhjet e përgjithshme.
Një reklamë, “I pazgjedhur”, e përshkroi Trumpin si një humbës serial që do rrezikonte republikanët në Kongres.
“Nëse Donald Trump është kandidati i republikanëve, ne mund të humbasim gjithçka,” thotë transmetuesi.
Fushata e Trump dhe një organizatë që e mbështet e rreshtuar me të, shpejt goditën miratimin e Koch.
“Grupi ’Amerikanët për Përparim’, ka zgjedhur të mbështesë një kandidat pro Kinës, kufij të hapur dhe globaliste si Nikki ‘Birdbrain’ Haley”, tha zëdhënësi i fushatës Steven Cheung. Ai shtoi se “asnjë shumë parash në hije” nuk do e ndalojë Trump-in të fitojë nominimin e republikanëve dhe Shtëpinë e Bardhë.
Përveç përpjekjes për të ngjallur dyshime për Trump në mesin e republikanëve, zyrtarët e rrjetit kanë thënë se pjesë e strategjisë së tyre për vitin 2024 është të sjellin një gamë më të gjerë votuesish – ata që votojnë me besueshmëri në zgjedhjet e përgjithshme, por jo paraprake republikane – në procesin primar republikan për të ndihmuar në ndryshimin e rezultateve të garave të hershme.
Gjatë mandatit të tij në Shtëpinë e Bardhë, Trump, shpesh u grind me zyrtarët e Koch, të cilët kritikuan ashpër politikat tregtare të administratës së tij dhe ato të emigracionit.
Por rrjeti mbështeti administratën Trump në prioritete të tjera, duke përfshirë një projektligj për uljen e taksave që ai nënshkroi në ligj në fund të vitit 2017 dhe një rishikim të drejtësisë penale. Rrjeti gjithashtu mbështeti kandidatët e tij në Gjykatën e Lartë të SHBA
