Ka një nevojë urgjente për organizimin e Bazës, duke filluar nga çdo Qendër Votimi, Lagje, Fshat dhe sidomos në Qytet. Fitorja vjen nga baza, drejtimi nga Qendra. Fitorja nuk kërkon vetëm frymë, por edhe punë të fortë në bazë. Duhen dërguar të deleguar në çdo Bashki dhe Qark, për të ri-organizuar, duke strukturuar dhe krijuar Degët, me seksione dhe grup-seksione në çdo Qëndër Votimi; Forumin e Rinisë dhe Gruas; Kryesitë e Degëve pa asnjë mungesë, pasi kanë mangësi të thella.
Koha ecën e nuk pret! Nëse do të fillojmë nga A-ja, vetëm 2-3 muaj para zgjedhjeve, nuk do të fitojmë kurrë! E kërkojë këtë nga eksperiencat dhe sidomos nga pervoja e Zgjedhjeve Lokale që sapo lamë pas. Nëse do të mendonim vetëm për interesa personal dhe vetëm për të shtuar radhët me disa Deputetë më shumë, gabohemi rëndë, pasi kështu do të demtohen jo vetëm demokratët dhe “Fronti Opozitar” në tërësi, por dhe demokracia, pluralizmi politik dhe e ardhmja e vendit dhe do i jepnim shkelmin e fundit groposjes së demokracisë dhe rolit të opozitës në vend; duke thelluar kështu edhe plagën e hapur për Rininë në vend.
Koha është tani, sot! Nesër do të jetë tepër vonë! Të japim shtysën e krijimit të frymës së fitores duke filluar që nga baza! Të ngjallim së bashku shpresën dhe besimin. Vetëm kështu do i fusnim frikën deri në palcë, “Rilindjes së krimit”.
Nuk ka më kohë! Ashtu si çdo skuadër që stërvitet çdo ditë, çdo javë, çdo muaj e çdo vit pa ndërprerje dhe futet në ndeshje e pregatitur për të fituar, ashtu edhe Opozita duhet të veprojë , për të mundur kundërshtarin, i cili në rastin tonë, ka edhe topin edhe fushën dhe albitrin dhe tifozat në tribunë me bileta të paguara!
Ne nuk duhet të lejojmë t’i ndodh kjo popullit të pafajshëm, që drejtohet plot shpresë për ndryshim në kutitë e votimit dhe del për një dekadë radhazi i zhgënjyer, i pambrojtur, i papërfaqësuar! Nese nuk reagohet, ndiej keqardhje për mbeshtetësit tanë të cilët presin organizimin, përballjen dhe fitoren për familjet dhe të ardhmen e femijëve të tyre.
Kjo thirrje publike për interes të vendit dhe popullit, që na besoi votën, e cila është tejet altruiste, vjen prej meje njëkohësisht me një ndjesë dhe përulje ndaj Jush, por demokracia dhe pluralizmi politik dhe interesi i shtetasve shqiptarë të kudo ndodhur, njëkohësisht edhe e ardhmja jonë e përbashkët Europiane, dominon mbi cilindo interes personal të tonin! U besova me votë të përçoj zërin e banorëve të mi dhe me anë të kësaj thirrje jam duke bërë pikërisht këtë.
