Kjo nuk është një betejë personale kundër një hajduti si Jorgo Goro.
Kjo në absoluten e saj është beteja kundër modelit të tij si kryebashkiak.
Është lufta kundër kryebashkiakut të korruptuar, parazit, të pamoral, sekularist, abuzues me paratë publike dhe vegël e krimit të organizuar dhe oligarkisë politike e mediatike.
Jorgo Goro përfaqëson modelin sesi kurrë nuk duhet të jetë një kryetar bashkie dhe kjo është arsyeja pse unë e të tjerë si unë kemi zgjedhur të luftojmë kundër makinerisë së tij të korrupsionit dhe parazitizmit.
Me ndihmën e banorëve të fshatrave të Bashkisë Himarë, ja dolëm që një kryetar bashkie të tillë ta depozitojmë në analet më të zeza të historisë së zonës edhe pse Jorgo, korrupsioni dhe turpi bashkëjetuan për 12 vjet në zyrën e kreut të bashkisë të patrazuar.
Endrra për një Bashki që punon për hallet dhe problemet e njerëzve nuk duhet të mbetet thjeshtë ëndërr ndaj edhe ne jemi këtu, jo me pak kosto por me shumë durim e vendosmëri për ti ndryshuar faqen institucionit dhe jetës së banorëve të kësaj bashkie.
