– protestën dhe bojkotin e studentëve të mjekësisë kundër vkm që i detyron të punojnë 5 vjet atje ku ka nevoje partia , përndryshe ata duhet të paguajnë gjobën mbi 5000 € që u ka caktuar qeveria.
– rënien e numrit të studentëve në masën rreth 15% në krahasim me nje vit më parë.
– mosplotësimin e kuotave të kërkuara nga fakultetet, për këtë vit akademik ose ndryshe plotësimin e tyre ne masën 40 % që shkakton drejtpërdrejt:
– pragmbyllen, për të mos thënë mbylljen, e disa degëve të rëndësishme universitare, duke përfshirë:
1. degë me prioritet kombëtar, si Historia, Gjeografia etj., të cilat pas pak vitesh do të na përballin me mungesën e plotë të mësuesve për arsimin e detyrueshëm 9-vjeçar, që garantohet në Kushtetutë dhe që shteti duhet ta sigurojë për të ghithë e sigurisht, edhe për dy ciklet e tjera të arsimit parauniversitar.
2. degë të mësuesisë, si: Matematika, Fizika, Kimia, gjuhët e huaja (frëngjishtja, gjuhët sllavo- ballkanike),
3. degë të tjera, si Filozofia, Sociologjia.
Në 4 degë në universiretin e Vlorës, për shembull , nuk është regjistruar asnjë student, ndërsa në degën e Historisë në universitetin e Shkodrës, eshtë regjistruar vetëm 1 student.
Dhe nga ana tjetër, nga ajo e studentëve për të cilët janë ngritur e funksionojnë ngrehinat e bukura të fakulteteve, studentët sot :
-nuk arrijnë të sigurojnë qëndrimin në konvikte, pasi vendet janë zënë prej ditësh,
– nuk përballojnë dot shpenzimet e jetës së përditshme, as ushqimet e aq me pak qiranë e banesave, edhe pse kjo pjesëtohet me 4 ose 5 studentë të tjerë. Tirana e dijes dhe e universitetit më të madh në vend është e huaj dhe gjithnjë e më e pakapshme me të ardhurat e tyre,
– nuk kanë perspektivë punësimi në vend, prandaj largohen të rinjtë tanë për të studiuar e punuar në dhera të huaj, se vlerësohen më shumë se në vend të vet.
KY NUK ËSHTË NJË VIT I MBARË AKADEMIK
