Skandali ndjek skandalin dhe fundi nuk dihet.
Pak ditë më parë kërkova informacion nga Bashkia Vlorë, nëse kishte bërë ndonjë inspektim të vijës bregdetare të qyetit sa i përket shqetësimit se në Gjirin e Vlorës derdhen ujëra të ndotura.
Ajo ç’ka nuk e dëshiroja, por që e kam dyshuar gjithmonë, u vërtetua me përgjigjen zyrtare nga “Ujësjellës Kanalizime” sh.a, me relacionin nr.1823 prot, datë 16.08.2023.
Të nderuar bashkëqyetarë,
Ky është stauts të cilin kam hezituar ta shkruaj, sepse më dhimbset Vlora, qyteti ku kam lindur dhe po rris fëmijët e mi.
Arsyeja ka qënë dhe është shumë e thjeshtë, kam shpresuar se dikush do të ndërgjegjësohet e do të veprojë për të mos e lejuar një situatë të tillë.
Por e kundërta ka ndodhur.
Një “tufë” të paaftësh apo më keq akoma hajdutësh, kanë drejtuar dhe vazhdojnë ta drejtojnë Bashkinë Vlorë, që nga Dredha i I deri te Dredha i II, të cilët përveçse nuk kanë bërë asnjë veprim, në mendimin tim nuk duan të dinë as për shëndet e as për qytet.
Kanë menduar dhe vepruar vetëm për të vjedhur e pasuruar veten dhe shpurën e tyre.
Ndaj sot, pas shumë mendimesh vendosa të shkruaj, duke mos dashur të bëhem pjesë e kësaj maskarade me heshtje.
Në relacionin e mbërritur dje në mbledhjen e Këshillit Bashkiak, konfirmohet se të paktën 50 subjekte (familjarë), derdhin ujëra të ndotura në kanalet e ujërave të bardha, të cilat më pas shkojnë në det.
Dhe kjo nuk ndodh në një, por në katër pika të ndryshme përgjatë gjithë shëtitores bregdetare nga Skela deri tek Rrapi.
Edhe pse investimi i bërë nga BE, përgjatë shëtitores bregdetare ka sjellë zhvillim për atë pjesë të turizmit në Vlorë, infrastruktura e trajtimit të ujërave të ndotura ashtu, siç opozita e ka denoncuar përbën një ndër problemet kryesore për qytetin tonë.
Këto shkarkime të ujërave të ndotura i kanë transformuar plazhet më popullore të qytetit, në “bomba ekologjike”, të cilat kërcënojnë shëndetin e plazhistëve për shkak të ngarkesës së lartë mikrobike në ujë.
Boll më me propagandë dhe fasada, ajo është ndër arsyet që paaftësia dhe maskarallëku po e shkatërron Vlorën e bukur e të bekuar nga Zoti!
