Ditën e sotme është mbledhur Konferenca e Kryetarëve për të përcaktuar axhendën për seancën që do të mbahet nesër në Kuvend.
Në mbledhje, Gazment Bardhi, është thirrur në cilësinë e kreut të grupit të PD.
Ndërkaq mësohet se e pranishme ka qenë edhe deputetja Flutura Açka, të cilës Basha i ka deleguar kompetencat, për kreun e grupit të PD-së.
Sipas mediave, Flutura Açka ka kërkuar të dijë nëse Kuvendi ka marrë një vendim apo jo për kryetarin e grupit të PD-së, por përgjigjja ka munguar.
Në këto rrethana, ajo është larguar nga mbledhja dhe ka reaguar duke u shprehur:
“Kuvendi nuk u shpreh
dhe shpresoj të vendos shpejt, sepse, siç edhe thashë në Konferencën e Kryetarëve – nga e cila u largova të mos e bëja qesharake situtën mes kolegëve të mi, me të cilët më shumë gjëra më bashkojnë se më ndajnë – “dy dado e vrasin fëmijën!”
Do t’i lutesha medias të jetë korrekte me çdo lajm. Vetë nuk do të bëj kurrë lajme me sms, sepse fyej veten dhe median së cilës (mund) t’ia çoj.
Partia Demokratike nuk ndihmohet me kaos, por me distancë higjienike nga interesi personal i çdonjërit prej nesh, me përgjegjësinë politike të deleguar nga shqiptarët”-është shprehur ajo
