Bilal Asllanaj/ PSE HESHTNI, PO U SHKATËRROHET RINIA THEMELI I SHOQËRISË!

Për efekt të fitimit, mediat televizive kombëtare janë në garë me njëra-tjetrën, se kush do ta bëjë formatin (big-brather, përputhen etj) më të degraduar, të ç’thurur e fare pa filtra, si kanë filluar në Tv. Clan e Top. Channel. Sipas megavonit të medias, shqiptarët po rrinë me sy e me zemër te formatet e servirura nga moderatorët e tyre!
Me programet e tyre vulgare na sjellin imoralitetin si modernizim, vesin e gënjeshtrës dhe mashtrimit si vlera. Mesazhi i vetëm që përcjellin këto formate është:
“Për çfarë ju duhet shkolla e puna…mjfton të plastifikoheni dhe hajdini në big brather, përputhen e shumë formate të tjera degjeneruse, bëni dhe ndonjë kurs karateje, që të ziheni për flokësh, do u rritet shikueshmëria, do cilësoheni si “VIP” dhe paraja do rrjedhi lum për mediat promovuese. Për sa i përket rinisë e shoqërisë në tërsi, le të shkatërrohet se nuk u bëhet fare vonë”. Pra asgjë pozitive nuk ka, përveç fitimit të tyre!
Nëse kjo bëhet për të treguar se kështu jenë të gjithë të rinjtë e sotëm, është mashtrim dhe krim, apo nëse s’janë kështu, ti mësojmë të bëhen kështu si këta, atëhere e ka marr lumi shoqërinë që pajtohet me “helmin” e sheqerosur të hedhur nga mediat televizive, mbi të rinjtë nëpërmjet këtyre formateve, me qëllimin e vetëm të fitojnë sa më shumë, pavarësisht dëmit shkatërrues që sjell te moshat e reja, duke u ndryshuar imazhin e jetës tyre!!!
Të promovosh në pikun e orareve të shikushmërisë këto formate, ku manifestohen sjellje pa etikë e pa filtra, kjo është shkelje e etikës televizive. Autoriteti Mediave Audiovizive (AMA) mbanë sehir, ose është e pa zot ndaj dinastisë të televizioneve të tilla.
Me këto spektakle vulgare televizionet nën hijen e lirisë së medias, po hipnotizojnë trurin e njerëzve.
Më këtë që bën media po krijon DESTABILIZIM MENDOR te brezat e rinj, duke rritur shkallën e depresionit te ky brez, po shkatërron më keq shoqërinë dhe familjet.
A e kini parë ça po përcillet te të tjerët. Dhuna, degradimi, alkolizimi dhe drogimi. Kjo ka marr përmasa alarmuse jo vetëm te meshkujt, por dhe te femrat. Çdo natë thonë banakierët dhe kamarierët, shikon vajza që pinë pije alkolike të forta, më pas dehen bëjnë si të tërbuara, dalin jashtë kontrollit. Ja pra këtu të çojnë “helmet” e formateve televizive të degjeneruar!
Media e di shumë mirë si përdoret mashtrimi në interes të fitimit, sa më shumë të përcjellësh anormalitet dhe vulgaritet në ekrane, aq më shumë u shtohet shikushmëria dhe fitimi i tyre.
Pse nuk jepen në orët e vona këto formate, ku të ndalohet shikushmëria e fëmijëve të vegjël dhe adoleshent?
E shikoni që shumë familjeve po u del tymi i shkatërrimit. Kjo heshtje po e gërryen si mola çdo ditë familjet shqiptare. Lëreni politikën për pak dhe merruni me shqetësim bazë, familjen dhe fëmijët tuaj. Nëse ecim me shprehjen ç’më duhet mua, atëhere tymi kthehet në flakë dhe bashkë me të ligun digjet dhe i miri. Mirë shteti me organet ligjzbatuese heshtin, po organizatat e shumta jo qeveritare dhe shoqëria në tërësi pse heshtin?
Kur vete puna për politikë sytë dhe veshët i mbajnë hapur dhe janë gati për çdo tubim, kur vjenë puna te mbrojtja e fëmijëve nga “helmet” e sheqerosura nga media dhe nga fenomenet e tjera që janë prezent në shoqërinë sotme, heshtin, mbyllin sytë dhe veshët!
Mos heshtni, ngriheni zërin fortë ndaj këtyre formateve degratuse për fëmijët dhe shoqërinë, se po u shkatërrohen fëmijët, familjet e tyre, po shkatërrohet rinia në tërsi dhe bashkë me të dhe kombi!