Presidenti Bajram Begaj shkruan në rrjetet sociale se Java e Nivelit të Lartë të Asamblesë së Përgjithshme të OKB-së është një moment i rëndësishëm për bashkëpunimin ndërkombëtar.
Presidenti i Republikës u nis një ditë më parë drejt New York-ut dhe kryeson delegacionin shtetëror të Shqipërisë në Asamblenë e Përgjithshme të OKB (Organizata e Kombeve të Bashkuara)
“Java e Nivelit të Lartë të Asamblesë së Përgjithshme të OKB po fillon. Ky është një moment i rëndësishëm për bashkëpunimin ndërkombëtar, mbushur me takime bilaterale dhe diskutime me liderë të tjerë botërorë.”, ka shkruar Begaj në ‘Facebook’
Presidenti Begaj do të mbajë fjalën në Debatin e Përgjithshëm të Asamblesë së Përgjithshme të Kombeve të Bashkuara së bashku me kryetarët e qeverive të 193 vendeve anëtare të OKB-së.
Ai gjithashtu do të marrë pjesë në Forumin e Nivelit të Lartë Politik për Zhvillimin e Qëndrueshëm në New York.
