Parku Kombëtar i Shebenikut është një mrekulli jo shumë e njohur ndër ne…
Afro 90 km nga Tirana e deri në Fushë-Studën, ky park mund të shndërrohet në vend takimi për kafe, ecje, shplodhje dhe për të apasionuarit ndaj ecjes malore, si një përvojë e bukur për t’u ngjitur maleve e shkëmbinjve.
Kujtojmë se, ky park ka 34 mijë ha pyllnajë.
Fushë Studën ka një lartësi 1100m mbi nivelin e detit.
Vetë maja e Shebenikut është 2264 m e lartë
Pika më e ulët e parkut është 300m.
Distanca nga Librazhdi deri në Fushë Studën është 23 km, në një rrugë që gjarpëron midis peisazhesh shplodhëse, por jo e gjitha e asfaltuar.
Takova, bisedova e piva raki kumbulle me njerëz mikpritës, punëtor e fisnik.
Natyra…
Lumi Qarrishtë, një lum lokal bashkohet me Shkumbinin dhe tretet brenda tij.
Lumi Borova derdhet në Drinin e Zi, ndërsa Bushtrica i bashkangjitet Shkumbinit gjithashtu.
Lugina e Kusarit është një pikë që vizitohet për bukurinë, por me ndroje se ndoshta ndonjë “kusar” ende vërtitet asaj bukurie.
Pastaj kujtohem se kusarët nuk janë romantik dhe ndihem lirshëm në atë drejtim.
Fauna e parkut përbëhet nga ariu, kaprolli, dhi e egër, rrëqebulli, lepuri, sorkadhj, derr i egër, macja e egër, ujku, vidra, shqiponja, qukapiku, krahë thati, gjel i egër.
Brenda parkut ndodhen14 liqene akullnajor.
Flora zotërohet nga bredhi, pisha e zezë, ah, lis, shkoza, bushi, dëllinja, çaji malit, zambaku, aguliçe, salep etj.
Mos harroni…
Është shumë pranë.
Tiranë – Fushë Studën vetëm 93 km.
