Sot filloi një vit tjetër arsimor mes problematikash të politikave arsimore, infrastrukturës dhe kushteve që i ofrohen nxënësve në shkollat shtetërore.
Edhe këtë vit më pak fëmijë të regjistruar si pasojë e emigrimit masiv të familjeve në territorin e Qarkut Shkodër, ndërsa ata që mbeten, një pjesë e madhe e prindërve vendosin të çojnë fëmijët e tyre në shkolla private, sepse kushtet që ofrohen janë shumë më të mira duke filluar nga godinat e mirëmbajtura, kushtet e ngrohjes me kaldaja, laboratoret me mjetet e duhura për zhvillimin e orëve të fizikës, kimisë, biologjisë; me sallë kompjuterësh për zhvillimin e orëve të praktikës për lëndën e informatikës e për shumë e shumë të tjera…Si rrjedhojë, më pak fëmijë në shkollat publike dhe më shumë mësues të shpërndarë në shkolla të ndryshme në 5 ditët e javës për të plotësuar normat mësimore…
Sot ishte dita e parë e shkollës…Politika lokale u ‘turr’ në shkolla, të përcaktuara në fillim se cilat do vizitonin që të mos bënin ‘pik’ me njëri tjetrin! Pamë edhe stilin Veliaj I cili është bërë aq I bajatshëm, duke ‘shfrytëzuar’ fotot me fëmijët për qëllimet propagandistike të dashurisë së madhe që ka për të ardhmen e atdheut, fëmijët…
Stili Veliaj na u përcoll sot edhe nga Beci, i cili vazhdon linjën e partisë së të bërit propagandë pa krijuar diçka ‘alla Bec” përveçse kopje të shëmtuara të Rama-Veliaj and CO!
Sot në ditën e parë të shkollës do donim të shihnim ndërhyrjet e përfunduara në shkolla, jo skele ta hapura në muret e mbrapme të shkollave të cilat mund të jenë rrezik për fëmijët gjatë pushimit të madh apo zhvillimit të lëndës së edukimit fizik!Po ç’rëndësi kanë kushtet? E rëndësishme është përcjellja e një imazhi të rremë dhe i një propagande të shëmtuar që bëhet edhe më e pamoralshme kur objekt kryesor i saj janë fëmijët!
Ndërkohë, po i kujtoj kryetarit të Bashkisë z.Benet Beci se me 7 mars 2023 në një takim elektoral me drejtues të institucioneve arsimore, së bashku me të deleguarën politike znj.Spiropali keni premtuar se në shtator do rikthenit në Shkodër Drejtorinë Rajonale të Arsimit Parauniversitar (DRAP) drejtori e cila padrejtësisht iu kalua Lezhës e bashkë me të edhe të gjitha drejtoritë e tjera të rëndësishme, me vendim të kryeqeveritarit. Siguruat madje se kishit marrë premtimin dhe bekimin e vetë të madhit, kryeministrit Skënderbe’, për këtë nder të madh që do i bënit Shkodrës kur në fakt do ishte një borxh i kthyer që Partia Socialiste ia ka Bashkisë së kulturës e arsimit! Lajmi i gëzuar u shpërnda’ shpejt tek mësuesit por fatkeqësisht askujt s’ja merrte mëndja se kjo do ishte një tjetër gënjeshtër-propagandë për të thithur vota sa më shumë përmes mashtrimeve elektorale!
Sot ishte dita e parë e shkollës…Doza e mashtrimeve është rritur dhe fotot e videot ‘shfytëzuan’ për propagandë pastërtinë, padjallëzinë dhe sinqeritetin e të vegjëlve nxënës!
