Fjala e Ajet Ramcaj, Kryetar i Grupimit “Dhjetor ’90” ditën e sotme në ceremonitë përkujtimore me rastin e 25 vjetorit të ekzekutimit të Azem Hajdarit:
Te nderuar familjare të Azem Hajdarit, te nderuar familjare të Besim Ceres.
I nderuar Kryetari i PD, Prof. Dr. Sali Berisha.
Te nderuar shoke e miq, bashkluftetar te Azemit ne betejat e tij.
Te nderuar te rinj e te reja qe bashke me kryetarin e Forumit Rinor, Besart Xhaferri nderoni kujtimin e Azem Hajdarit.
Miq, 25 vjet ma parë, më 12 shtator 1998, në një natë ku rrebeshi i motit do të humbte nga rrebeshi i plumbave shtetëror që u derdhën mbi Tribunin e Lirisë, ekzekutohet Azem Hajdari.
Unë e kam quajt ekzekutim gjithherë. Po pse?
Azem Hajdari masi na dha fjalën ne shokve të tij me e pranu në krye tonë si studentë,nuk bani kurrë kompromis ne jetën e tij politike të shkurtër, 8 vjet e 9 muaj me atë që na premtoi atë 9 Dhjetor 1990-të.
Kishin kaluar vetëm pak orë nga nata e 8 dhjetorit, bëhet fjalë për natën e bekum ku nisi shkëndija e asaj lëvizjeje çlirimtare, kështu do ta quaja.
Azemin, un e kam fiksu për fytyrë paraditen e 9 Dhjetorit 90 në demostratën me rreth 1000-1500 studentëve ne Rrugë të Elbasanit mes Liceut Artistik dhe ish Muzeut Lenin-Stalin.
Fytyrën me emrin ja bashkova mbasdite kur në fjalën e tij, në pjekurinë e tij dhe kur ne ende nuk kishim një drejtues, Ai tha: Vëllazën e Motra, më lejoni me ken në krye… Unë jam student, por ma së pari jam prind, kam dy fmijë, Kirin e Rudinën e u betohem publikisht në ta që nuk u tradhtoj në atë çfarë duam të bajmë bashkarisht.
Ky ishte Azemi ! Djaloshi i fjalës së mbajtun, prijësi i natyrshëm që koha e deshti në krye.
Azemi nuk na tradhtoi as ne, por as PD-në kurrë.
Të gjithë ne ktu, por jo veç ne, e dimë mirë që Azemi në Mars 1997-deri në kët ditë si sot, 25 vjet ma parë, u kthy si promotor në PD krah Doktor Berishës.
Azemi nuk la vend pa shkelë në Shqipni për me ringritë në kamë strukturat e PD.
Azemi nuk la paraprita e prita pa provu nga marsi 97 e deri më 12 shtator 1998.
Nuk du të zgjatem por du të tham që me ekzekutimin e Azemit ata që kujtum se i përmbysëm në Dhjetor 90 vranë seicilin prej shqiptarve që aspironte për Liri-Demokraci.
Ata plumba i morën jetën Azemit dhe heroit Besim Çera, por ata plumba gjakosën në shpirt çdo demokrat.
Nëse Azemi do ish gjallë dhe në krah të Presidentit Berisha, ndoshta ndryshe do kishin shku punët e Opozites parë 1997-2005, por edhe të Opozitës 2013 e deri më tash
Lavdi përjetë mikut tonë vizionar, Nderit të Kombit, Azem Hajdari.
Lavdi përjetë trimit dhe simbolit të besnikërisë Besim Çera
Vitet do kalojnë e brezat do frymzohen gjithnji e ma shum nga jeta e shkurtër fizike e politike e Azem Hajdarit.
Azem të kemi borxh lirinë tonë !
