Tirana sot gumëzhinte, aq shumë njerëz në rrugë…aq shumë makina…nisi viti I ri shkollor 2023-24 për arsimin parauniversitar.
Gëzim i madh për familjet, e sidomos për ato që fillojnë në klasë të parë.
Tani që mu rritën gocat, dhe emocionet e fillimit të shkollës janë të një natyre tjetër, kam kohë për hulumtime, dhe jam bërë më mendimtare e po ndaj me ju ca shifra që i mblodha sa tek INSTAT e andej këndej në gazeta e portale…raportim lajmi.
Rregjistrimet kanë rënë ndjeshëm!
Alarm me shifrat!
Rreth 29 mijë nxënës do të ulen në bankat e shkollës për herë të parë dhe rreth 27 mijë nxënës janë regjistruar në klasën e 10-të.
Në vitin 1990 lindën 85 mijë fëmijë dhe në vitin 2005 prodhoheshin 65 mijë abetare, pra në më pak se dy dekada, 50% më pak abetare!
Në vitin 2010 mbaruan maturën 50 mijë maturantë, sivjet,viti 2023 u diplomuan 30 mijë!
Të dhënat e fundit të INSTAT tregojnë se këtë vit shkollor regjistrimet në arsimin e mesëm shënuan rënie mbi 7.4 % për qind dhe gati dyfishi i rënies në arsimin 9 vjeçar.
Në vitin shkollor sipas 2022-23 sipas INSTAT, kishte gjithsej 95.8 mijë të regjistruar në arsimin e mesëm, nga 154 mijë në vitin 2012, me një rënie prej 38%, ose 58.5 mijë nxënës më pak.
Një studim i fundit i (RCC) Këshillit të Bashkëpunimit Rajonal vë në dukje se Shqipëria ka përqindjen më të madhe të braktisjes së hershme të arsimit në rajon. Të dhënat krahasuese tregojnë se në vitin 2021 gati 17 për qind e popullsisë së moshës 18-24 vjeç nuk ishin as në arsim dhe as në trajnim. Kjo përqindje e lartë e 20 vjeçarëve pa asnjë angazhim në arsim ishte gati tre herë më e lartë se mesatarja europiane.
Në Bosnje vetëm 4.7% e të rinjve 18-24 vjeç nuk ishin as në arsim as në trajnim, në Malin e Zi, 6.7% në Maqedoninë e Veriut 4.6% dhe në Serbi 6.2%.
Duam të reflektojmë apo…
