Nga Bedri Blloshmi /
Kur më pa nuk po u besonte syve.
Sa u ngrit të më takonte tha; “ah mor bir të ishte gjallë edhe ai tjetri”.
Sa tha këto fjalë ra përtokë në gjendje të fikti.
20 VJET NGA NDARJA NGA JETA E MAMASË TONË
Sot mbushen 20 vjet nga ndarja nga jeta e mamsë tonë, Nadire Blloshmi.
Mamaja jonë e vuri shminë e zezë në kokë që në vitin 1944 kur terrorstët komunistë i pushkatuan të vëllanë, Halim Spaho.
Mamaja rridhte nga një familje fisnike nacionalistësh të fshatit Debrovë.
Edhe kur erdhi në derën e Blloshmit në Bërzeshtë shamia e zezë nuk iu hoq nga koka.
REGJIMI KOMUNIST NUK I DONTE FAMILJET NACIONALISTE NDAJ EDHE I GODISTE PA MËSHIRË.
KALVARI I MASAKRIMIT TË FAMILJES BLLOSHMI NISI NË TETOR TË VITIT 1944 KOMUNISTËT VRANË AZIS SELMAN BLLOSHMIN, I CILI KISHTE MBARUAR SHKOLLËN NË GRAC TË AUSTRISË ME GRADËN MAJOR, EDHE SOT NUK DIHET SE KU ËSHTË GROPOSUR.
Në vitin 1951 arrestuan Hasan Selman Blloshmin, të cilin e dënuan me 22 vjet burg me një akuzë qesharake, “takim me diversantët”.
Në vitin 1963 mamasë i arrestuan bashkëshortin, babanë tonë, Sami Blloshmi, të cilin e dënuan me 7 vjet burg për agjitacion dhe propagandë.
Në vitin 1964 i arrestuan vëllain, Riza Spaho, të cilin e dënuan me 25 vjet burg.
POR GJËMA MË E MADHE PËR FAMILJEN TONË NDODHI NË VITIN 1977 KUR TERRORISTËT KOMUNISTË ARRESTUAN DY DJEMTË E SAJ, VILSONIN DHE BEDRIUN.
VILSONIN E PUSHKATUAN BASHKË ME KUSHËRIRIN E TIJ GENC LEKA, NDËRSA BEDRIUN E DËNUAN ME 25 VJET BURG.
E GJITHË FAMILJA PREJ 18 VETËSH U DEGDIS NË INTERNIM NË FSHATIN POLIS TË LIBRAZHDIT.
Pushkatimi i Vilsonit e rrënoi edhe më shumë mamanë të përvuajtur, e cila i mbante gjithmonë sytë nga dera…Kur unë dola nga burgu i Ferrit komunist më 29 mars 1991 në mes të arrita në shtëpi dhe mamanë e gjeta zgjuar.
Kur më pa nuk po u besonte syve.
Sa u ngrit të më takonte tha; “ah mor bir të ishte gjallë edhe ai tjetri”.
Sa tha këto fjalë ra përtokë në gjendje të fikti.
Më 9 shtator 2003 mamaja u nda nga jeta me emrin e Vilsonit në gojë…
