Në këtë ditë të vitit 1997, zonja Jeanne Calment ndërroi jetë në një shtëpi pleqsh në Arles, Francë, në moshën 122 vjeç e 164 ditë, duke e bërë atë njeriun më jetëgjatë të verifikuar.
E lindur në Arles në 1875, ajo jetoi 20 presidenca franceze, të dyja luftërat botërore dhe transformimet e panumërta sociale dhe përparimet teknologjike. Ajo jetoi më shumë se burri i saj me 55 vjet, vajza e saj 63 vjet dhe nipi i saj i vetëm 34 vjet.
Si një grua e re, ajo u takua me Vincent Van Gough, të cilit i kujtohej se ishte “i shëmtuar si morri” dhe “më shumë i interesuar për të pirë se sa për të pikturuar”.
Në vitin 1969, në moshën 94-vjeçare, Madame Calment ia shiti apartamentin e saj një noteri në Arles, sipas një marrëveshjeje (e zakonshme në Francë) që ajo do të vazhdonte të zotëronte apartamentin deri në vdekjen e saj dhe duke kërkuar që noteri t’i bënte pagesa mujore për të gjatë jetës së saj…
Në kohën kur noteri vdiq në vitin 1995, ai i kishte paguar Madame Calment dyfishin e vlerës së banesës dhe nuk kishte mundur kurrë ta merrte në zotërim atë.
Kur u pyet për të komentuar, zonja Calment u përgjigj: “Në jetë, dikush ndonjëherë bën marrëveshje të këqija”. Madame Calment ishte ende duke ecur me biçikletë deri në ditëlindjen e saj të 100-të dhe çdo ditë ngjiste shkallët për në apartamentin e saj të pa ngrohur, një nga vetëm katër vendet që ajo ka jetuar ndonjëherë.
Ajo vazhdoi të jetonte e vetme deri në moshën 110 vjeç, kur u transferua në një shtëpi pleqsh.
Ajo e la duhanin në moshën 117-vjeçare, por nuk hoqi dorë kurrë nga gota e saj e portit të natës.
Jetëgjatësia e saj e bëri Madame Calment një personazh të famshëm dhe ajo mbetet personi më jetëgjatë i verifikuar, duke i mbijetuar nënkampionit Kane Tanaka të Japonisë (i cili vdiq prillin e kaluar) me mbi 3 vjet.
Në dhjetor 2018, matematikani rus dhe gerontologu amator, Nikolay Zak, publikoi një artikull ku pretendonte se gruaja që vdiq në Arles duke pretenduar se ishte Jeanne Calment ishte në fakt vajza e saj 99-vjeçare, Yvonne.
Zak teorizoi se Jeanne vdiq në 1934 dhe vajza e saj mori identitetin e saj (Zak kurrë nuk ishte në gjendje të krijonte një motiv të besueshëm për mashtrimin). Për shkak se jeta e Madame Calment ishte shumë më e gjatë se ajo e superqindvjeçarëve të tjerë të verifikuar, një skepticizëm është i kuptueshëm. Por pas rishikimit me kujdes përsëri të provave, gerontologët ndërkombëtarë dhe autoritetet franceze mohuan pretendimet e Zak dhe riafirmuan moshën, identitetin dhe statusin e Madame Calment si personi më jetëgjatë në botë.
Jeanne Calment vdiq në moshën 122 vjeçare më 4 gusht 1997, njëzet e gjashtë vjet më parë sot.
Fotografitë e tregojnë atë në moshën 20 dhe 122 vjeç.
Nga A Daily Dose of History
Përktheu neutrale.al
