Nuk ka gra kurva…jo
Është një shoqëri e tërë kurvë…që nuk iu jep zgjidhje tjetër..
Është ajo shoqëria, që të mbyll dyer e dritare, dhe të vulos dhe atë vrimën e oxhakut, e të detyron të gërrmosh tunel..
Është ajo nëna dhe babai, vëllai, që të mbyllin derën
Është ajo nëna dhe babai, që s’të pyesin ku ishe, me kë ishe, pse kaq vonë?
Është buka që mungon.
Është çatia që s’ke mbi krye…
Janë ato paratë e munguara, që të detyrojnë të rrish cullak, dimër e verë..
Është ajo m…t politikë që vjedh e vjedh e kurrë nuk ngopet..
Është makutëria…që na lë të shohim vetëm punët tona…
Është epoka e unit…
S’ka më Ne..
Është koha ku shihen vetëm të pasurit..
Të varfërit dhe mjeranët janë veçse numra votuesish..
Ti, dhe vajza që sapo vranë, do të votosh poshtë urës. ..
Do të flesh poshtë urës së Dajlanit apo Djallit
Do të perdhunohesh poshtë urës. ..
Të gjithë të vranë nga pak.. derisa kockat t’i thyen…
Të vranë, kur bënin sikur s’të shihnin..
Askush s’i ndali këmbët të të pyeste si je? A ke ngrënë?
Qofsh mirë pranë zotit, vajzë..!
Lutem për ty..!
