• Hendeku botëror midis gjinive do të mund të mbyllet në vitin 2154, bazuar në nivelet aktuale të ecurisë, sipas raportit të fundit të Forumit Ekonomik Botëror.
• Vendet nordike kryesojnë botën, në eliminimin e pabarazisë gjinore.
• Islanda ka qenë vendi më barazi gjinore më të madhe, për 14 vitet e fundit.
• Barazia në pjesëmarrjen e grave në fuqinë punëtore, mund të rrisë prodhimin ekonomik me më shumë se një të tretën, sipas FMN.
A keni menduar ndonjëherë se si do të ishte, të jetonit në një botë ku gjinitë janë vërtet të barabart? Botës mund t’i duhet të presë deri në vitin 2154 që kjo të ndodhë, sipas Raportit Global të Hendekut Gjinor, të Forumit Ekonomik Botëror 2023.
Me ritmet aktuale të ecurisë, do të duhen 131 vjet për të mbyllur hendekun gjinor botëror, por disa vende janë shumë më afër arritjes së barazisë gjinore se të tjerat.
Vendet nordike zënë 4 nga 5 vendet e para. Islanda ruan vendin e saj në krye të renditjes globale – për të 14-in vit radhazi – me më shumë se 90% barazi, e ndjekur nga Norvegjia (87.9%) një vend në rritje nga 2022 dhe Finlanda (86.3%) zbret një vend në të tretën.
Pjesa tjetër e listës së mbetet relativisht e pandryshuar, por ka një ose dy përjashtime të dukshme. Gjermania u ngjit me katër vende, në vendin e 6-të dhe Lituania dhe Belgjika hynë në top 10, duke zëvendësuar Ruandën dhe Irlandën.
Hendeku midis gjinive është përmirësuar në disa fusha
Amerika Latine dhe Karaibet, Europa dhe Amerika e Veriut, janë tre kryesuesit e hendekut midis gjinive.
Por Amerika Latine dhe Karaibet, Europa dhe Afrika Sub-Sahariane, kanë treguar përmirësimin më të përgjithshëm, që nga botimi i parë i raportit në 2006.
Dhe ndërsa hendeku i përgjithshëm midis gjinive është rikthyer në nivelet e para-COVID-19, të vitit 2019, me barazi 68.6%, shkalla e ndryshimit nuk është rritur nga viti në vit.
Raporti krahason shkallët e pjesëmarrjes për gratë me ato për burrat, në katër sektorë: pjesëmarrje ekonomike dhe mundësi; shëndet dhe mbijetesë; arritjet arsimore; dhe fuqizimin politik.
1 pikë tregon barazinë e plotë dhe hendeku midis gjinive është distanca në përqindje, nga barazia e plotë, kështu që sa më i lartë të jetë rezultati i përqindjes, aq më i vogël është hendeku në atë vend.
Sektorët e shëndetësisë dhe arsimit tregojnë, një përmirësim nga viti i kaluar, me normat aktuale të vendosura për të mbyllur hendekun gjinor të arsimit, në 16 vjet.
Fuqizimi politik gjithashtu është përmirësuar pak, por ka shumë për të bërë përpara se hendeku të mbyllet.
Ndërkohë, pjesëmarrja ekonomike dhe mundësitë janë ulur, ku hendekut midis gjinive do t’i duhen 169 vjet për t’u mbyllur, bazuar në ritmet aktuale.
Përfitimet e eliminimit të paragjykimeve kulturore
Dekada të tëra me paragjykime kulturore dhe pabarazi, kanë penguar përmirësimet në barazinë gjinore botërore, sipas studimit të Kombeve të Bashkuara.
Si e tillë, bota nuk ka gjasa të arrijë objektivin e OKB-së për barazinë gjinore, deri në vitin 2030.
Mbyllja e hendekut midis gjinive. sjell përfitime të shumta për shoqërinë dhe ekonominë globale.
Për shembull, barazia në pjesëmarrjen e grave në fuqinë punëtore, mund të rrisë produktin ekonomik mesatarisht me më shumë se një të tretën, sipas Fondit Monetar Ndërkombëtar.
Ndërsa Organizata për Bashkëpunim dhe Zhvillim Ekonomik (OECD), thotë se diskriminimi me bazë gjinore në institucionet shoqërore, i kushton ekonomisë globale 6 trilionë dollarë, ose 7.5% të PBB-së globale.
Analiza e fundit nga Indeksi i Normave Sociale Gjinore të Programit të Zhvillimit të OKB-së (Gender Social Norms Index), i cili mbulon 85% të popullsisë globale, tregon se pothuajse 90% e burrave dhe grave, kanë paragjykime themelore kundër grave.
“Ne duhet të ndryshojmë paragjykimet gjinore, normat shoqërore, por qëllimi përfundimtar është të ndryshojmë marrëdhëniet e pushtetit midis grave dhe burrave, midis njerëzve,” tha Aroa Santiago, specialiste gjinore në ekonomitë gjithëpërfshirëse në UNDP. / World Economic Forum
