Jo vetëm njerëzit, por edhe kafshët, të egra apo të buta janë nën ndikimin dhe stresin e temperaturave të larta.
Nëse kafshët e egra kanë instikte të mjaftueshme dhe mjedise pyjore për të krijuar një farë çlirimi, kafshët shtëpiake janë krejtësisht në kujdesin, njohjen dhe mundësitë që duhet t’u krijojë familja adaptuese.
Nëse keni vënë re nervozizmin te qeni, macja, zogjtë që mund të mbani në shtëpi, mos neglizhoni.
Mund të ketë dhe arsye të tjera, por shkaku kryesor mbetet ekspozimi ndaj nxehtësisë së tepërt, dhe mos harroni, kemi ende shumë ditë të nxehta përpara.
Bëni kujdes për ta mbajtur kafshën tuaj në temperatura sa më optimale.
Nëse qeni (macja, lepuri…) juaj po gulçon ose po jargavitet shumë, provoni këto këshilla:
1. Merreni menjëherë qenin tuaj në një zonë më të freskët. 2. Lagni kafshën tuaj me ujë të freskët – Jo ujë të ftohtë pasi ftohja e fortë mund të jetë e rrezikshme!
Freskoni e shtrojat ku ato pushojnë
3. Vendoseni kafshën tuaj përpara një ventilatori që të thahet, mbas freskimit me ujë, por jo që rryma e ajrit ta godas fort.
4. Ndërsa kafsha juaj vazhdon që të përmirësojë frymëmarrjen dhe sjelljen, jepini për të pirë ujë të freskët
Burimi: Veterineri digjital
