Përgatiti Besnik Ismailati
Meqë u takuam gjatë mbrëmjes me këtë dallëndyshe të vogël, le të njihemi me disa kuriozitete për jetën e tyre.
Disa dallëndyshe mund të arrijnë një shpejtësi fluturimi 50 – 65 km/orë.
Nē kohën që ushqehen, dallëndyshet fluturojnë me një shpejtësi rreth 30-40 km/ orë.
Jetëgjatësia mesatare e një dallëndysheje është shumë e shkurtër, ato zakonisht jetojnë 2-3 vjet, ndërsa tek disa ekzemplarë ajo mund të arrijnë deri në 4 vjet.
Dallëndyshja është një zog që ushqehet me insekte , siç janë si mizat, mushkonjat, pilivesat dhe insekte të ndryshme fluturuese , të cilat i kap me sqep gjatë fluturimit. Por dallëndyshet priren të shmangin ngrënien e insekteve thumbuese si bletët dhe grerëzat. Ndonjëherë dallëndyshet mund të ushqehen edhe me insekte kur janë në tokë. Kur shihen dallëndyshet që fluturojnë shpejt, me kthesa të papritura dhe të vazhdueshme dhe ndryshime të trajektores, tregon se ato janë duke gjuajtur ndonjë insekt që është po aq i shpejtë në fluturim.
