(Njoh njerëz që janë diplomuar në moshën 21 vjeçare dhe nuk kanë gjetur një punë, as kur kanë mbushur 27 vjeçë. Njoh njerëz që janë diplomuar në moshën 25 vjeçare dhe kanë gjetur punë menjëherë.
Njoh njerëz që nuk kanë shkuar asnjëherë në universitet, por e kanë kuptuar se çfarë pëlqejnë në moshën 18 vjeçare. Njoh edhe nga ata të rinj që kanë gjetur punë menjëherë sa mbyllën studimet e universitetit dhe kanë bërë para, por nuk e kanë pëlqyer atë që bënin.
Disa të tjerë kanë kaluar vite me radhë për të kuptuar se çfarë pëlqenin. Njoh edhe nga ata që ishin të sigurtë se çfarë do të bënin, kur ishin 16 vjeç dhe e ndryshuan mendjen, kur ishin 26 vjeç.
Ka nga ata që kanë fëmijë, por janë beqarë dhe nga ata që janë të martuar, por shpresojnë me vite të tëra për të bërë fëmijë. Ka njërëz që janë në marrëdhënie me dikë, por duan dikë tjetër. Ka nga ata që e duan njëri-tjetrin, por nuk janë bashkë.
Pra, mendimi im është se gjithçka në jetë ndodh në kohën e duhur. Mund të shohësh drejt disa miqve të tu dhe të mendosh se ata janë shumë më para teje (disa mund të jenë edhe pas), por çdo gjë ndodh sipas ritmit të vet. Ata kanë kohën e tyre, po ashtu siç e ke edhe ti. Ji i duruar.
Në moshën 25 vjeçare, Mark Cuban u bë bankier në Dallas. U deshën vite që J. K. Roëling të botonte serinë e librave të Harry Potter, pasi u refuzua nga 12 shtëpi botuese. Ortega e lançoi firmën e njohur Zara në moshën 39 vjeçare. Jack Ma e filloi Alibaba-n, kur ishte 35 vjeç. Morgan Freeman bëri pushimin e tij më të gjatë, kur ishte 52 vjeç.
Të marrësh diplomën pas moshës 25 vjeçare është një arritje. Të mos jesh i martuar në të 30-tat, por të jesh i lumtur, është gjë e bukur. Të nisësh një familje pas moshës 35 vjeçare është plotësisht e mundur dhe të blesh një shtëpi, kur të jesh 40 vjeç, është gjë e mrekullueshme.
Mos e lejo askënd të të nxisë të ecësh me kohën e tyre, sepse ashtu siç ka thënë Ajnshtajni: “Jo çdo gjë që ka vlerë, mund të numërohet dhe jo çdo gjë që mund të numërohet, ka vlerë”.
Kjo është gjëja më e rëndësishme. Unë dua që secili nga ju të jetojë një jetë me objektiva dhe qëllime të mëdha dhe të mësojë t’i përdorë objektivat dhe qëllimet e veta për të sjellë një ndryshim në jetët e të tjerëve. Ky do të jetë suksesi i vërtetë i gjithsecilit nga ju”. )
* Kush është Jay Shetty ?
Jay Shetty, superylli i mediave sociale dhe drejtuesi i podcast-it numër 1 On Purpose, distilon urtësinë e përjetshme që mësoi si murg në hapa praktikë që çdokush mund të ndërmarrë çdo ditë për të jetuar një jetë më pak të shqetësuar dhe më kuptimplotë. Kur mendoni si murg, do të kuptoni: -Si të kapërcejmë negativitetin -Si të ndalojmë të menduarit e tepërt -Pse krahasimi e vret dashurinë -Si ta përdorni frikën tuaj -Pse nuk mund ta gjesh lumturinë duke e kërkuar -Si të mësosh nga kushdo që takon -Pse nuk jeni mendimet tuaja -Si ta gjeni qëllimin tuaj -Pse mirësia është vendimtare për suksesin -Edhe me shume… Shetty u rrit në një familje ku mund të bëhesh një nga tre gjërat – një mjek, një avokat ose një dështim. Familja e tij ishte e bindur se ai kishte zgjedhur opsionin tre: në vend që të merrte pjesë në ceremoninë e diplomimit të kolegjit, ai u nis për në Indi për t’u bërë murg, për të medituar çdo ditë për katër deri në tetë orë dhe për t’ia kushtuar jetën e tij ndihmës së të tjerëve. Pas tre vjetësh, një nga mësuesit e tij i tha se do të kishte më shumë ndikim në botë nëse do të linte rrugën e murgut për të ndarë përvojën dhe mençurinë e tij me të tjerët. I zhytur rëndë në borxhe dhe pa aftësi të njohura në rezymenë e tij, ai u kthye në shtëpi në veri të Londrës me prindërit e tij.
