Diamanta Zalta/
ËSHTË !
Është diku . . . . . .
E vogël, fort e vogël,
shpesh as nuk shihet,
por është !!!!
E mbështjellë me buzëqeshjen e arsyes,
Botës,
Jetës,
E vogël,
Por është !!
Fshehur nën buzë, gjallesa,
merr jetë nga e vërteta.
Është drita ,
fshehur nën xixën e syrit të heshtjes,
që pakuptuar shpërthen gëzimit të mendjes .
Fshihet, në thellësitë e gjoksit të ndershëm ,
të thënave pa fjalë të lotit dhe zëmrës .
Në belbëzimin e fjalës së parë të fëmijës ,
në frutin e njohjes , dhe dijes ,
në penelin e papërsëritshëm të ngjyrave ,
të piktores më solemne, Natyrës .
Është !!
Në dallgën që bregut i ngjeshet
me bardhësinë e shkumëzuar ,
buzën duke ja puthuar .
Çdo sekondë presim ta njohim ,
presim për ta zbuluar .
Përbërë prej grimcash, është e vogël,
sa një çast .
një minutë ,
një prekje ,
një datë . . .
një ahh !
Çdo gjë e bukur , jeton pak !
E shtrenjtë , pa nevojën për tu mburrur ,
Vetiut është e vlerë.
Një grusht me xixa sysh , xixëllonjash në errësirë .
Është Melodi , ritëm, pëshpërimë ,
udhë, ide , një dhimbje e ëmbël ,
fijeqëndisur me shkëndija ,
është . . . . . . . . LUMTURIA !
Gjithmonë e vogël , shpesh e padukshme ,
Por – Është !
Kërkoje ! Mjafton të duash , ta bësh !
Më poshtë shënimi i poetit, ing. Kastriot Fetahu:
Me Diamanta Zalta jemi miq “të vjetër,” që kur kam hedhur krijimet e mia modeste në këtë faqe.
Emri i saj më krijonte gjithmonë kërshërine e tingujve “gjeologjikë” me “Diamant”, por edhe mbiemri më vinte me muzikalitetin e Bazaltit një gur vullkanik dekorativ.
Diamanta është prozatore, poete, një artiste me postimet e fotove plot kuptim që janë gjetja e saj.
Një kritike ku spikat thellësia e mendimit dhe shkruan ese dhe përsiatje të bukura letrare të mbështjella “me letër filozofie”.
E postoj këtë poezi që mban firmën e saj për ta duartrokitur sëbashku miqtë e mi, për vlerën “e markuar” dhe kënaqësinë që na fal në këtë rrjet, me një faqe të shquar arti.
Diamanta, mikja e shkëlqyer që je pushtuar nga mirësia, të uroj pafund suksese!
Të duartrokas Diamanta Zalta!
