Munger është partneri i biznesit i Warren Buffett. Sipas tij, suksesi mund të varet nga njerëzit që ju rrethojnë.
Në mbledhjen vjetore të aksionerëve të Berkshire Hathaway, ndërsa diskutonin mendimet e tyre mbi krizën e fundit bankare dhe rritjen e ndikimit të Inteligjencës Artificiale, Buffet dhe Munger shfaqën një anë filozofike, në përsiatje mbi miqësinë dhe se si të kuptohet kur duhen ndërprerë lidhjet me dikë.
Munger, në veçanti, theksoi se njerëzit toksikë mund të pengojnë rrugën e dikujt drejt suksesit.
“Mësimi i madh i jetës, është t’i largoni ata nga jeta juaj – dhe bëjeni atë shpejt,” tha Munger.
“Është shumë e thjeshtë të shpenzosh më pak se sa fiton, të investosh me zgjuarsi, të shmangësh njerëzit toksikë dhe aktivitetet toksike, si dhe të përpiqesh të vazhdosh të mësosh gjithë jetën”, shtoi ai.
Përpara komenteve të Munger, Buffett i bëri jehonë një ndjenje të ngjashme. Buffett tha se njerëzit duhet të kuptojnë, se të tjerët mund t’i manipulojnë ata.
Gjithashtu, ata duhet të dinë si të veprojnë për të mos rënë pre e manipulimit.
Ndërsa Munger bëri të qartë se, toksiciteti mund të pengojë suksesin individual të dikujt, por ai mund të jetë gjithashtu i dëmshëm për mjedisin e punës.
Një kulturë toksike e punës është faktori më domethënës, që mund ta shtyjë një punonjës të largohet, sipas studimit nga MIT Sloan School of Management.
Paga e ulët dhe pasiguria në punë, gjithashtu mund t’i largojnë punonjësit, por studimi zbuloi se këta faktorë nuk ishin aq ndikues, sa një kulturë toksike e punës.
1 në 9 punonjës në SHBA, thanë se kanë përjetuar një vend pune toksik. Kjo është rreth 30 milionë njerëz në fuqinë punëtore të SHBA.
Për të nxitur një mjedis më të shëndetshëm në vendin e punës, drejtuesit dhe menaxherët e kompanive mund të luajnë rol vendimtar në vendosjen e kulturës së kompanisë, si dhe në nxitjen e këtyre qëndrimeve, në mënyrë që të përçohen tek pjesa tjetër e punonjësve.
Dhe nëse ai menaxher ose punonjës toksik nuk duket se po ndryshon, sipas këshillës së Munger, mund të jetë koha për t’i larguar ata. / Business Insider
