Falënderimi i Indrit Hoxhës për qytetarët e Vorës…

Të dashur qytetarë të Vorës !
Në përmbyllje të kësaj fushate dua të falënderoj nga zemra të gjithë demokratët, opozitarët, çdo qytetar që kam takuar pavarësisht bindjeve, stafin dhe shtabin elektoral të Vorës . Nëpërmjet kontributit dhe angazhimit të të gjithëve ne ja dolëm të zhvillonim një fushatë elektorale shembullore.
Ne takuam çdo person, çdo familje të territorit të Bashkisë Vorë dhe folëm nga afër me ta për të gjitha problemet dhe shqetësimet e tyre.
Ne u shpjeguam njerëzve të mrekullueshëm të Vorës programin tonë për ta nxjerrë atë Bashki nga falimentimi dhe rrënimi që e ka katandisur rilindja në katër vitet e fundit. Jam i bindur që qytetarët e Vorës na kanë dëgjuar dhe na kanë besuar.
I bëjë thirrje te gjithëve që të dalin më 14 maj masivisht dhe të votojnë. Mjafton pak minuta për të krijuar një të ardhme më të mirë për ju dhe për familjet tuaja.
Të gjithë së bashku, të dielën me bindjen e plotë se ditët e këqija për Vorën mbaruan dhe një periudhë e re do të fillojë pas datës 14 maj.
Ndryshimi është në dorën e gjithsecilit prej nesh.
Prandaj të dielën merrni miq, shok dhe familjarë dhe çojini në qendrat e votimit për t’i thënë stop korrupsionit dhe krimit në Bashkinë Vorë.
Gjej rastin të falënderoj të gjithë komisonerët tanë që do të bëjnë të mundur numërimin e çdo vote dhe grantimin e vullentit të lirë politik. Ata do të jenë aty deri sa të numurohet dhe vota e fundit .
Në fund kam një falënderim të veçantë për mediat dhe çdo gazetar qe ka pasqyruar fushatën tonë elektorale duke i shërbyer garës poltike dhe demokracisë.
Faleminderit të gjithëve nga zemra!
Fitore!!!!!