Reagimi i plotë i Sekretarit të Përgjithshëm të PD, Flamur Noka:
Përgjigje e detyruar Damianit
Damian! Sot ta kuptoj shqetësimin dhe zemërimin tënd. Nuk është e lehtë të jesh në pozitën e njeriut që shoqëron një kandidat të përbuzur dhe të papranueshëm kudo që shkon në qytet. E ke të vështirë të gelltitësh faktin që Elbasani ta refuzoi krijesën tënde politike. Ne e dimë që kandidati real je ti, jo Llatja, të cilin e ke marrë në qafë me insistimin tënd për ta kandiduar.
Damian! Rama dhe rilindja “jote” nuk e kuptoni forcën e reagimit dhe shpirtin e revoltës të qytetarëve kur zgjedh t’i poshtërosh dhe t’i konsiderosh numra e t’i vendosësh secilit nga një vlerë monetare.
E ke të humbur Damian! Qytetarët e Elbasanit thjesht po presin të dielën!
Po presin t’ju tregojnë se qytetaria nuk mbytet me banalitet, se dinjiteti nuk blihet me para, se vota jo kudo ka çmim. Fitoren e Luçiano Boçit nuk e mohon dot askush. Elbasani gëlon nga shpresa e ndryshimit, sepse fitorja e Luçiano Boçit ka fytyrën e qytetarëve të Elbasanit dhe jo si kandidati yt që në fytyrë ka tymin, blozën e inceneratorit.
Qytetarët e Elbasanit do të flasin me votë si njerëz plot dinjitet, të dielën.
Nuk ka shqiptar qe s’e di se rilindja ka afërsi politike e shpirtërore me horrat, banditët, blerësit e votës. Një proverb i mençur thotë se “kush jeton në shtëpi prej xhami nuk gjuan dot me gurë”.
Drejtoria e Administratës Publike (DAP) ta ka bërë me dije se cilët janë çunat problematikë që i keni emëruar si drejtorë në Bashkinë e Elbasanit.
DAP këshillon që ata nuk mund të jenë në detyrë.
Mos u përpiq t’u japësh atyre zemër për ta vazhduar krimin e tyre zgjedhor, sepse ajo që nuk u garanton dot është siguria (juridike).
Ndaj lëri ata çunat problematikë, të merret ligji me ta, se nuk do i shpëtosh dot.
Miqtë e tu, ata çunat problematikë, e dinë se kur t’u hidhen prangat, njësoj si shefi yt, ti ke një shprehje të preferuar për ta: Përgjegjësia është vetëm personale!
Për rikujtesë, emrat i kë te plotë, pa iniciale nga DAP.
