Urime dhe suksese. Janë fëmijë ekselente lindur në Greqi, të arsimuar në Universitete nga më të mira të vendit, aktivistë në mbrotje të drejtave të njeriut. Është “brezi i dytë” me ëndrra për një shoqëri më të mirë.
Angjelo Dionis Jahollari ka lindur në Kalkida në tetor 1997, është rritur nëEvia dhe është kandidati më i ri për SYRIZA – P.S.
Që në moshë të re u organizua në të majtë dhe si grek me origjinë shqiptare përfshihet aktivisht në përfshirjen e emigrantëve të brezit të parë dhe të dytë.
Është anëtar i Bordit Drejtues të Shoqatës “Horizontes”, një rrjet i të rinjve me origjinë emigrante.
Ai ka studiuar në Departamentin e Administrimit të Biznesit të Universitetit të Egjeut dhe ka kryer studime pasuniversitare në Departamentin e Studimeve Ekonomike të Universitetit të Athinës, i specializuar në Menaxhimin Ndërkombëtar dhe Strategjitë e Konkurrueshmërisë.
Krahas përvojës profesionale në fushën e tij të specializimit, që në vitet studentore ai punon në industrinë e hotelierisë.
Si anëtari i Bordit Drejtues të Shoqatës “Horizontes” lufton çdo ditë për të drejtat.
Gjatë studimeve u zgjodh në Këshillin Drejtues të shoqatës studentore për të 4 vitet.
Që në momentin e parë ai luftoi me kolegët studentë, duke arritur të gjallërojë dhe ripërvetësojë hapësirat akademike, duke krijuar grupe të larmishme kulturore, të cilat janë aktive dhe produktive edhe sot e kësaj dite.
Vitet e fundit ka qenë koordinator i Rinisë SYRIZA në Evia, duke rindërtuar organizatën dhe duke ndërhyrë aktivisht në çështjet e prefekturës.
Urime djalë…
