Nga Athina, shkruan Shpetim Zinxhiria
Sa kushton nga policia greke jeta e një emigranti?
Shumë vdekje, shumë padi dhe asnjë drejtësi.
Vdekje në Greqi që vijnë nga “shpërthimet aksidentale”, “rrethanat e pashpjegueshme”, “shkaqet patologjike”, “vetëvrasjet e pashpjegueshme” etj.
Në këto vrasje nuk përfshihen të vrarët nga shkëmbimi i zjarrit me policinë, edhe pse në shumë raste “mbrojtja e ligjshme” nuk ishte gjë tjetër veçse ekzekutim i gjakftohtë, ku përfshihen vetëm vrasje të drejtpërdrejta…
por…
18-vjeçari Vullnet Bytyçi ishte nga zona e Hasit dhe emigroi në Greqi. Nga Shqipëria niset për në Greqi më 22 shtator te 2003. Por në tentaivë për të kaluar kufirin në Kostur vritet më 23 shtator të këtij viti. Nga ana tjetër rojet kufitare kanë deklaruar se djali eshte vrarë nga një plumb rigoshet dhe jo drejtëpërsëdrejti, pra ishte aksidentale.
U akzua si trafikant droge por ne fakt ne traste ju gjet vetëm bukë. Mbas tre ditësh të afërmit presin trupin e djalit në Kapshticë. Me urdhër të prokurorisë së qytetit të Korçës i bëhet ekspertiza, ku del se vrasja ka qenë e qëllimëshme dhe ndryshe nga ajo e palës greke. Vullneti ishte vrarë në kokë nga një distancë e afërt dhe jo aksidentalisht.
Trupi i djalit varroset ne fashatin e tij ne vendin ku lindi dhe u rrit.
Në vitin 2005 polici që kreu vrasjen del para gjyqit në Gjykatën e qytetit të Kosturit, por si gjithnjë kur kanë të bëjnë me viktima shqiptarë del i pafajashëm, nuk u thirrën në gjykatë as dy shokët e tij që ishin ne vendin e ngjarjes, por as edhe familja, pasi qeveria greke nuk ju dha një vizë.
18-vjeçari Vullnet Bytyçi është një nga 44 viktimat e vrarë nga rojet kufitare dhe një në mes të 220 të vrarëve në Greqi. Janë veprime ku rojet vetë i vrasin dhe ku drejtësia vendos vetë si të dojë pa asnjë dëshmimtarë.
Polici që kreu krimin u gjobit me 30 euro duke paguar vetëm vlerën e fishekëve…
