Nga Athina, Shpetim Zinxhiria
Vrasje që tronditën Greqinë për 2022/ 18 shqiptarë të vrarë, prej të cilëve dy fëmijë të moshës 1 dhe 2-vjeçar
Krimi nuk ka ngjyrë as kombësi, ai eshtë i denueshëm nga të gjithë. Por në asnjë mënyrë nuk mund të ulin imazhin e Komunitetit Shqiptar që jeton dhe punon në këtë vend. Realitetin nuk mund ta ndryshojmë dot duam apo jo. E mira do të ishte që të mos ndodhin të tilla krime më për 2023.
*****
02/03/2022: Në zonën e Andravidës në Ilia, vritet nga një 60-vjeçar grek familja shqiptare, Armando dhe Maria Kloci, rreth 30 vjeç dhe fëmijët e tyre të moshës 1 dhe 2 vjeç.
22/03/2022: Gjendet i varur ne burgun Agio Stefano të Patrës 38-vjeçari shqiptar Mariglen Sheqi. Sipas mediave greke ai ka varur veten me ripin e pantallonave.
03/07/2022: Disa persona janë përplasur me armë zjarri në Athinë, ku kanë vdekur tre shqiptarë, Andon Tefi 48 vjeç, Armando Lamaj 46 vjeç dhe një 23 vjeçar.
01/08/2022: Krim i rëndë në zonën Tsilivi në ishullin e Zakinthos në Greqi , ku një 51 vjecar shqiptar ka qëlluar për vdekje me thikë bashkëshorten e tij 41-vjeçare. Viktima dhe autori janë prindër të tre fëmijëve.
20/08/2022: 36-vjeçari Ledjon Brakaj, u arrestua në Maltë pasi autoritetet greke lëshuan një urdhër-arresti evropian. Ai dyshohet se ka vrarë dy persona dhe u ka vënë flakën trupave të tyre pasi i ka grabitur 780 mijë euro në Greqi.
03/09/2022: Në ishullin e Rodosit, gjëndet trupi i pajetë i bisnezmenit 46-vjeçar Xhani Topalli, në rrugën që lidh të fshatin Psinthu, autori i dyshuar një shtetas grek 53 vjeç nga fshati Kalithea
07/11/2022: Është gjetur i pa jetë në Selanik 51-vjeçari Ylli Mera, i cili ishte zhdukur pa lënë gjurmë që prej mesditës së 1 nëntorit. I dyshuar për vrasjen është një 53- vjeçar shtetas grek.
10/11/ 2022: 31-vjeçari Eni Dollani u gjet i groposur në Kalamata të Greqisë, dyshohet se kishte me vete 10 mijë euro. Deri më tani në pranga kanë rënë dy 30-vjeçarë, një shqiptar dhe një greke, ndërsa është shpallur në kërkim autori i tretë.
03/12/2022: Në Pire të Greqisë një shqiptar ka vrarë me plumb në kokë partneren e tij shqiptare 19-vjeçare, dhe më pas ka telefonuar autoritetet ku ka deklaruar krimin e rëndë.
05/12/2022:Gjendet pa jetë në pyllin e Hajdarit në Athinë, Ramadan Gremshi 52-vjeç, ishte zhdukur nga shtëpia e tij në 31/08/2022
18/12/2022: në një lokal në Nea Smyrni/Athinë. Dy shqiptarë kanë qenë duke pirë kafe, ndërsa një person është afruar dhe i ka qëlluar disa herë me armë zjarri. Viktimat janë Kreshnik Çerçizaj 41 –vjeç i cili mori një plumb në kokë dhe Armando Ogranja është 44-vjeçari që mori dy plumba një në gjoks dhe një në bark.
