Unë nuk jam ekonomist, por si mjek në jetën time profesionale më është dashur të merrem me plot njerëz me probleme fizike e mendore.
Në vite dëgjoj përçartjet paranojake të kryeministrit të vendit tek përpiqet të bëjë “të sakrifikuarin” për Shqipërinë, ndërsa e ka varur atë në çengelin e kasapit, e me hanxhar në dorë nuk ka të nginjur së copëtuar mish e kocka nga trupi, se gjaku i saj ka vite që ka marrë rrugët e botës…
Unë nuk i di shifrat z. Kryeministër, por ju keni detyrimin të sqaroni shqiptarët se:
#Sa makina përdorni ju dhe eskorta juaj e sa kushtojnë këto në vit?
#Sa staf janë në shërbimin tuaj e të familjes tuaj e sa kushtojnë?
#Sa shpenzoni ju për propagandën brenda e jashtë vendit, sa kushtojnë lobimet që ti blen për mbështetjen tënde e në dëm të vendit e të shqiptarëve?
#Sa kushton një udhëtim jashtë vendit, për ty e stafin tënd, përfshirë çarterat, hotelet, drekat, darkat, dhuratat, çitjanet etj?
#Sa ju kushtojnë shqiptarëve ministritë në të cilat ti ke rehatuar qejfleshat e tua, e që nuk sjellin asnjë dobi për vendin?
#Sa ju kushton shqiptarëve SUPERadminitrata partizane dhe që nuk sjell asnjë dobi për vendin, përkundrazi përndjek shqiptarët?
#Sa ju kushtojnë shqiptarëve konçensionet vjedhëse që ti i mbron me frenetizëm?
….Sa e sa dua të të pyes, por ti me siguri po ther copën e radhës nga trupi i vendit, e nuk ke kohë të jesh njeri.
