Duket se deputetit të Kamzës, Flamur Noka i ka ardhur një mesazh nga qytetar, i cili e informon, se sot në orën 16:30, një qytetareje i ra të fikët në pritje të takimit të premtuar për zgjidhjen e hallit të saj.
Noka shkruan në rrjetet sociale:” Vetëm Edi Rama mund ta bënte Kipen deputet e kryebashkiak.
Askush tjetër.”
Postimi i plotë:
Zoti deputet!
Rakip Suli po i trajton çnjerëzisht qytetarët që i trokasin në derë. Sot në orën 16:30, një qytetareje i ra të fikët në pritje të takimit të premtuar për zgjidhjen e hallit të saj. Ajo që në ora 8 kishte shkuar në zyrat e Bashkisë Kamëz për të takuar kryebashkiakun Rakip Suli, me shpresë që t’i adresonte e të zgjidhte hallin që kishte. Qëndroi aty në pritje deri në orën 16:30, pasi dëgjoi nënkryetaren e bashkisë që i tha të priste se kryetari ishte i zenë. Rreth orës 16:30 zonjës i ka rënë të fikët nga pritja e gjatë, duke qenë se ishte edhe e pangrënë. Ajo është shoqëruar nga nënkryetarja drejt qendrës shëndetësore në Kamëz. Turp! Pashpirtësi. Duhen larguar!
Rilindasi Kipe me sjelljen e tij prej ofiqari arrogant do të turpëronte çdo zyrë shteti, ku shërbimi ndaj qytetarit është detyrim dhe privilegj. Nuk ka kod etik e normë qytetarie në sjelljen e Kipes. Nuk mund t’i drejtohem me titull zotëri një të paedukati si personi në fjalë.
Vetëm Edi Rama mund ta bënte Kipen deputet e kryebashkiak.
Askush tjetër.
