Revista Maxim e Australisë ka publikuar listën e saj vjetore “Hot 100” për vitin 2022, duke renditur femrat më të suksesshme dhe më të bukura në industrinë e argëtimit, sportit dhe kulturës pop.
Në krye të listës së tyre ishte aktorja 32-vjeçare Margot Elise Robbie, karriera e së cilës vazhdon në një trajektore rritëse përpara daljes në treg të filmit më të fundit Babylon.
Këtë vit, Robbie u bë aktorja më e paguar në Hollywood për filmin “Barbie” me regji të Greta Gerwig.
Sipas Variety, aktorja australiane u pagua 12.5 milionë dollarë për të luajtur përballë Ryan Gosling si Ken, në filmin e shumëpritur të bazuar në kukullën ikonë me të njëjtin emër.
Margot Elise Robbie është aktore dhe producente australiane.
Ajo njihet për rolet e saj si në filma të suksesshëm dhe ka marrë disa vlerësime, duke përfshirë nominimet për dy çmime Oscar, tre çmime Golden Globe dhe pesë çmime të Akademisë Britanike të Filmit.
Data e lindjes: 2 korrik 1990
Vendi i lindjes: Dalby, Australi
