Nazif Efendi Jusufati lindi në vitin 1866 në Libohovë në familjen e kadiut Dervish Sulejman Jusufatit.
Arsimin fillor e kreu në Libohovë. Medresenë e kreu në Stamboll, në Medresenë e Sulltan Fatihut ku shkëlqeu për rezultate të larta. Me profesorin e tij të Medresesë Ahmet Tashkoprolu efendi studioji ligjet e Jurispudencës islame dhe ligjet e trashëgimisë Islame dhe llogjikë-filozofi Islame. Nazif Efendi Jusufati stuioi dhe Morfologjinë dhe Sindaksën Arabe.
Vazhdoi studimet e larta ne Mekteb-i- Nivab dhe në vitin 1895 u dipllomua (icazetin ) të nivelit te IV -t
Në vitin 1896 u emërua naib i Somas. Në vitet 1898 deri në vitin 1900 ishte naibi i Tiranës. Nga vitet 1900 deri 1909 ishte naib i vilajetit të Rumelisë ( Kavallë, Jenicës, Vardarit, Kozanes).
Në dhjetor të vitit 1909 u emërua kryenaibi i Trabzonit (Anadolli Verilindor ).
Në vitin 1910 u dekretua Kryekadiu i Sirisë me qendër ne Damask. Guvernator i Sirisë ishte Halit Pashë Alizoti nga Gjirokastra dhe ishin të dy miq dhe së bashku veprimtarë te Lëvizjes Kombëtare.
Në Shqiperi erdhi menjëherë mbas Kongresit të Lushnjes.
Në qeverinë e Sulejman Delvinës të dalë mbas Kongresit të Lushnjës emërohet anëtar i gjykatës së Lartë (Diktimit ).
Në zgjedhjet e vitit 1925 zgjidhet Senator i Parlamentit Shqiptar, përrjedhojë dha dorëheqje si anëtar i gjykatës së lartë.
Në vitin 1925 parlamenti ishte me dy dhoma. Dhoma e ulët përbëhej nga 56 deputetë, ndërsa Dhoma e lartë (Senati) përbëhej nga 18 Senatorë. Në ato vite u hartuan dhe miratuan shumë ligje si: ligji mbi bankën kombëtare, ligji i pensioneve civile etj,,,. Senatori Nazif Efendi Jusufati dha një kontribut të madh në hartimin e ligjeve dhe konsolidimin juridik të Shtetit Shqiptar.
Doli në pension në vitin 1932. Ndërroi jetë në vitin 1941.
Përgatiti Ing Bexhet Çobani
