Kisha e t’Shëlbuemit ose Kisha e Rubikut, është një ndër ikonat e Krishtërimit Shqiptar dhe një vlerë identitare e historisë sonë mijëra vjeçare.
Kisha e t’Shëlbuemit është ndër më të vjetrat në Ballkan (shek. XII), dhe qendron mbi një breg shkëmborë, e pacënuar nga ngjarjet historike ndër shekuj.
Kisha përfunduoi së ndërtuari në vitin 1272, ajo përfaqëson një objekt të rëndësishëm kulti të shek XII- XIII dhe mbart vlera unikale jo vetëm për afresket, pikturat, por edhe muralet e stilit bizantin. Pjesa e brendëshme e Kishës është e stolisur me afreske të ritit bizantin gjë që e bën atë edhe më të veçantë.
Godina është monument kulture dhe paraqet interes në aspektin ndërtimor dhe arkitektural.
Kisha e Rubikut ka shërbyer si abaci Benedikte dhe kuvend
Françeskan. Në këtë kuvend kanë qenë dhe fillesat e shërbimit të At Gjergj Fishtës si frat, gjithashtu ka qëndruar edhe At Shtjefën Gjeçovi i cili ka mbledhur dhe ka shkruar disa nga kapitujt të Kanunit të Lek Dukagjinit.
Brendësia e saj ruan thesare të jashtëzakonshme përshpirtërie dhe kulturore.
Afresket dhe shkronjat gotike të vendosura mbi të formojnë fjalët që zbukurojnë formulën e shenjtërimit të bukës sipas ritit roman:
“Accipite et mancudate ex hoc omnes/ Hoc est enim corpus meum”
“Merrni e hani të gjithë. Ky, në fakt është trupi im”
Pikërisht, në këto fjalë të sakrificës supreme, buron shëlbimi i botës!
Dom Artur Jaku!
