Këtë e pohon kryebashkiaku i Shkodrës Bardh Spahia në mesazhin e përcjellë në “Facebook”:
Shkodra është një prej 8 bashkive nga vendet Europiane që është përfituese e projektit FARO “Trashëgimi të ndryshme në Qytetet Europiane – Krijimi i një rrëfimi të identiteteve të ndryshme europiane përmes pjesëmarrjes së qytetarëve”.
Për vetë historinë afro 50 vjeçare që ka patur vendi ynë në diktaturë dhe bazuar në atë që trashëguam nga ajo kohë, nisma merr një rëndësi të veçantë.
Objektet e ndërtuara nga regjimi komunist përfaqësojnë një mentalitet, dokumentojnë një kohë dhe histori të zymtë, për të cilën nuk duhet të flasin vetëm librat, por duhet ta kemi përpara syve edhe si dëshmi.
