Lakra e bardhë – Brassica oleracea var.capitata është një bimë barishtore me gjethe mbështjellëse të gjelbra dhe të bardhë të shtresëzuar nga brenda.
Asnjëherë nuk del nga “moda” e të ushqyerit shëndetshëm, lakra e gatuar apo e fermentuar.
Një traditë e vjetër, por përherë e dobishme, nëse kujtojmë vlerat ushqyese të turshive në përgjithësi dhe lakrës në veçanti.
Ajo është e tejmbushur me probiotikë të cilët forcojnë sistemin imunitar dhe përmirësojnë tretjen dhe ndihmojnë veshkat në funksionin e tyre.
Tashmë është e vërtetuar se lakra turshi përmban mikroelementë që ndihmojnë mbrojtjen e trupit nga alergjitë, luftojnë inflamacionin dhe i sigurojnë trupit antioksidantë të mjaftueshëm kundra kancerit.
Po renditim disa nga vlerat ushqyese të lakrës turshi:
1. Ndihmon tretjen
Ka shumë fibra dhe kjo është jetike për një tretje të shëndetshme. Ndalon kapsllëkun, përmirëson shëndetin e zorrëve dhe ndalon ngërçet. Ngrënia e rregullt e kësaj lakre parandalon shqetësimet e zorrëve dhe kancerin e barkut.
2. Çliron energji dhe të mban aktiv
Falë nivelit të lartë të hekurit, lakrat turshi sidomos ju japin shumë energji dhe qëndrueshmëri, nxisin qarkullimin e gjakut dhe përmirësojnë metabolizmin. Parandalojnë aneminë dhe luftojnë lodhjen dhe dhimbjen e kokës.
3. Rrit imunitetin
Dihet se lakra është shumë e pasur me vitaminë C, e cila është perfekte për funksionimin e imunitetit. Nivelet të tilla të larta të vitaminës C rigjenerojnë qelizat, bëjnë më shumë qeliza të bardha të gjakut dhe prodhojnë kolagjen.
4. Forcon kockat
Ky ushqim është i pasur me vitaminë K dhe kjo i bën kockat të forta. Po ashtu, prania e proteinave të shumta i mban kockat të mineralizuara në mënyrë të shëndetshme. Vitamina K gjithashtu parandalon osteoporozën.
5. Parandalon kancerin
Studimet dëshmojnë se antioksiduesit që gjenden te lakra vrasin radikalet e lira që janë thelbësore për qelizat kancerogjene.
6. Ndihmojnë funksionimin e veshkave
Fermentet dhe mikroorganizmat që gjenden jo vetëm te lakra, por edhe te lëngu i saj ruajtës dhe zbutës ndihmojnë shumë funksionimin e veshkave.
Në sintezë, vepron…
– Forcon sistemin imunitar, mban larg viruset dhe infeksionet.
– Parandalon përhapjen e qelizave kancerogjene në trup.
– Parandalon rritjen e kancerit të gjirit.
– Parandalon kancerin e prostatës.
– Ul rrezikun e kancerit të trurit.
– Parandalon degjenerimin molekular të syve dhe forcon shikimin.
– Ndihmon për uljen në peshë.
– Lakra është shumë efektive për shëndetin e kockave, parandalon osteoporozën dhe dobësinë e përgjithshëm të kockave.
– Parandalon ulçerën e stomakut dhe ndihmon për kurimin e saj.
– Ndihmon tretjen dhe largon kapsllëkun.
– Vitamina K që përmban lakra mbron trurin nga sëmundja Alzheimer dhe humbja e kontrollit, qetëson nervat dhe largon depresionin.
– Lakra është ushqim i shëndetshëm për zemrën, mban nën kontroll presionin e gjakut, parandalon rrezikun e sulmit në zemër, infraktin, zgjeron venat dhe lehtëson qarkullimin e gjakut.
– Largon dhimbjet e kokës dhe migrenës.
– këshillohet për gratë shtazëna, sepse ndihmon zhvillimin e fëmijës.
– Parandalon bllokimin dhe largimin e qumështit të gjirit.
